web counter
LEXO PA REKLAMA!

SHKARKO APP

App Store
Google Play

E fundit!

x

100-vjetori i BSH/ Sejko: Kemi arritur një shkallë të lartë konvergjence me normat e BE-së

11 Nëntor 2025, 09:47, Ekonomi CNA

100-vjetori i BSH/ Sejko: Kemi arritur një shkallë të lartë

Guvernatori i Bankës së Shqipërisë, Gent Sejko, ka qenë i pranishëm në aktivitetin e organizuar për 100-vjetorin e krijimit të këtij institucioni.

Në fjalën e mbajtur, Sejko deklaroi se Banka e Shqipërisë ka arritur një shkallë të lartë konvergjence me normat e BE-së.

Më tej, guvernatori tha se pavarësisht luhatjeve, ekonomia shqiptare ka pasur rritje të të ardhurave mesatare për frymë.

Sejko deklaroi se Banka e Shqipërisë duhet të vijojë punën për promovimin e stabilitetit financiar të vendit. Duke u ndalur edhe te politikat monetare, Sejko tha se gjatë 3 dekadave të fundit regjimi ka rezultuar i suksesshëm.

 

“Çdo jubile duhet të shërbejë dhe si moment vështrimi kritik mbi atë që kemi arritur dhe atë se çfarë kemi përpara. 

Vizioni për krijimin e një banke qendrore u artikulua në vitin 1899 nga rilindasi Sami Frashëri. Këtë ide e përqafoi dhe e çoi përpara Ismail Qemali.

Fillimi i viteve ’90 shënoi tranzicionin e madh që solli ndryshime thelbësore për sistemin bankar. Në vitin 1992 Banka e Shqipërisë u formatua.

Banka e Shqipërisë ka arritur një shkallë të lartë konvergjence me normat e BE-së. Ka ndërtuar një proces efektiv dialogu. Në terma sasiorë një dëshmi e arritjeve është dhe procesi financiar. Pavarësisht luhatjeve ekonomia shiqptare ka njohur një rritje të të ardhurave mesatare për frymë.

Banka e Shqipërisë duhet të vijojë të punojë për promovimin e stabilitetit financiar të vendit.

Bankat qendrore duhet të kenë një kuadër të qartë të politikave për arritjen e objektivave.

 

Banka e Shqipërisë gjykon se kuadri i saj aktual afron një strategji optimale për ruajtjen e stabilizimit të çmimeve. Regjimi i inflacionit të shënjestruar ofron rrugën më të mirë për kontrollin e inflacionit. Ky regjim i politikës monetare ka rezultuar i suksesshëm gjatë 3 dekadave të fundit.

 

Në drejtim të rregullimit të sektorit bankar, Banka e Shqipërisë do të vijojë të punojë për rrjetet e sigurisë në BE.

Sektori bankar do të mbetet shtylla kryesore e sistemit tonë financiar.

Shqipërisë i duhet të bazojë modelin e saj të zhvillimit te rritja e produktivitetit”, tha Sejko.





Lajmet e fundit nga