web counter
LEXO PA REKLAMA!

SHKARKO APP

App Store
Google Play

Projektbuxheti 2026/ Ministri: 81.2 miliardë lekë shpenzimet në sektorin e shëndetësisë

10 Nëntor 2025, 12:23, Ekonomi CNA

Projektbuxheti 2026/ Ministri: 81.2 miliardë lekë shpenzimet në

Ministri i Financave, Petrit Malaj, ka prezantuar ditën e sotme projektbuxhetin 2026, në Komisionin e Ekonomisë.

Malaj u ndal te sektori i shëndetësisë, ku tha se për vitin e ardhshëm buxheti planifikohet të jetë 81.2 miliardë lekë.

Ministri bëri me dije se do të financohen me prioritet disa politika, si dhe do të financohet me 1.5 miliardë lekë më shumë rikuperimi i barnave onkologjike.

“Shpenzimet e sektorit të shëndetësisë për vitin 2026, planifikohen të jenë në masën 81.2 miliardë lekë ose rreth 2.9% e Prodhimit të Brendshëm Bruto. Me projektbuxhetin 2026 do të financohen me prioritet disa politika. Trajtimi me recetë për përmirësimin e barnave për rreth 400.000 pacientë. Financimi me 1.5 miliardë lekë më shumë për rikuperimin e barnave onkologjike në shërbimin parësor dhe sigurimin e tyre në gjithë sistemin spitalor. Paketat e miratuara të shërbimit spitalor në spitalet publike, jopublike, përfshirë këtu paketën e re për trajtimin e trompekominës si dhe rikonstruksioni i një sërë spitaleve rajonale dhe qendrave shëndetësore”, tha Malaj.

 

 

Gjithashtu ministri u ndal edhe te pagat në shëndetësi dhe arsim. Malaj tha se paga mesatare e mjekut të përgjtihshëm do të arrijë rreth 143,446 lekë në muaj.

 

“Pagat e mësuesit të shkollës 9-vjeçare do të rriten me 3000 lekë në muaj duke e çuar pagën mesatare bruto të këtyre mësuesve nga 96300 lekë në muaj në rreth 100000 lekë në muaj. Paga mesatare bruto e mjekut të përgjithshëm me rritjen e parashikuar do të arrijë në rreth 143,446 lekë në muaj, ndërsa ajo e infermierëve do të arrijë në 92,526 lekë në muaj. Paga bruto mesatare në administratën publike, për punonjësit buxhetorë në vitin 2026 do të shkojë rreth 112,000 lekë në muaj”, tha Malaj./CNA





Lajmet e fundit nga