E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Fitorja e Lulit mbi Arlind Qorin!

15 Maj 2023, 10:49, Editorial CNA

Foto ilustruese

Zgjedhjet lokale u mbyllën me një fushatë jo problematike, me disa vogëlsira, të cilat pas disa rezultateve që tashmë po bëhen publike nuk kanë më asnjë peshë.

Socialistët e mavijosur kanë marrë një fitore plebishitare në të gjithë vendin.

Kjo për faktin e vetëm se janë duke fituar 55 bashki nga të cilat shumë pak mund të gjesh nën 60% dhe PD-në e Sali Berishës, domethënë “Bashkë Fitojmë”, e gjen shumë rrallë te 40%.

Nga ana tjetër, kemi një fitore të madhe të Lulzim Bashës dhe Alibeajt.

Fitorja e Lulit mbi Arlind Qorin!

Pasi në fushatë nuk bënë asgjë tjetër, thjesht dhe vetëm sulmuan PD-në zyrtare, ata të cilët kishin marrë gjithçka nga ajo parti, gjoja në emër të së ardhmes, të proamerikanizmit, të ndershmërisë e të tjera si këto kanë përfunduar në një rezultat turpërues duke e çuar siglën e PD-së së vulës, logo zyrtare 4%.

Një turp historik që nuk mund të harrohet kurrë.

Nga ana tjetër, në Tiranë, mesa duket, djali i rritur në tymin e kanabisit, që nuk ia doli dot në kryeqytet, Roland Bejko, garën e ka me Arlind Qorin, neomarkcistin revolucionar dhe jo me kandidatët e vërtetë që pretendonin të drejtonin kryeqyetin.

Tashmë Lulzim Basha ka një fitore të tijën. Një fitore që e pret pikrisht si maçoku në foto midis dy kazanëve, pa e ndarë cili ka më shumë vota brenda.

Tashmë maçoku që rri midis dy kazanëve, pret të rikthehet të akuzojë Berishën, të akuzojë Alibeajn, duke pretenduar se ai është e ardhmja, ndërkohë që në zgjedhjet e 2015-ës, ka dalë edhe më keq sesa po del Berisha sot i përçarë, ndërkohë që atëherë PD-ja ishte e bashkuar.

Foto ilustruese

Luli po pret si maçok në majë të dy koshave të plehrave, për të ushqyer të ardhmen e tij politike, pasi ende nuk e ka përfunduar misionin për ta copëtuar opozitën dhe për ta lënë Shqipërinë pa alternativë përballë qeverisë dhe duke shkëmbyer rilindjen e socialistëve deri në pikën e tij më të fundit të gjakut./ CNA.al