LEXO PA REKLAMA!

SHKARKO APP

E fundit!

x

Ergys Agasi, nga hijet e hetimeve në SPAK tek emërimet në qeveri

4 Mars 2024, 15:00, Denoncim CNA
Ergys Agasi, nga hijet e hetimeve në SPAK tek emërimet në qeveri
Ergys Agasi

Një nga personazhet nën hije që lëvizin urdhrat e pashkruara të Edi Ramës është Ergys Agasi. Dikur një djalosh që nuk përfundonte dot gjimnazin, pasi e përjashtonin nga shkolla sepse e kapnin duke pirë hashash, sot lëviz si hije në errësirë.

CNA raportoi se si Agasi, nga njeriu i Ilir Metës kaloi me Edi Ramën pas shkëputjes së koalicionit. Dikur shërbëtor i devotshëm i Metës, iu ngjit nga pas socialistëve dhe filloi të fitojë pushtet të madh, duke fituar lidhje deri te miqësitë me Ramën.

Ergys Agasi, nga hijet e hetimeve në SPAK tek emërimet në qeveri
Ergys Agasi dhe Ilir Meta

Tashmë kryeministri e ka deleguar mikun e tij në Qarkun e Durrësit nga socialistët, ku është edhe vetë deputet, ndërsa influencat e Agasit shkojnë deri në skutat e errëta të qyteteve problematike si Shkodra, Elbasani apo Shkozeti, ku qëndron si hija në errësirë e Ramës.

Gjithashtu CNA raportoi edhe për tentativat e Agasit me ndërhyrje të forta politike apo nga bota e biznesit për të ndalur të vërtetën, e kur nuk arriti qëllimin përshkallëzoi në kërcënime e deri në sulme me komente në rrjetet sociale.

Megjithatë, këto janë vetëm disa nga hijet në errësirë të Agasit.

Sot do të flasim për takimet e tij në “Equos Resort”, ku me dhjetë bodyguard-ë duhet të qëndrojnë njerëzit në radhë, duhet të ketë distancë për të takuar Ergys Agasin.

Dhe e gjitha kjo ndodh vetëm e vetëm për të folur me Agasin, për të zgjidhur hallet dhe problematikat në institucionet e ndryshme shtetërore, që shkojnë deri te lojërat dhe skemat me Erion Veliajn për të emëruar Alfred Ballën ministër Drejtësie.

Pra, për ta kuptuar deri ku shkon pushteti i Ergys Agasit, aq sa Lali e kërkon aleat për skemat e tij kundër SPAK-ut.

Duhen përmendur këtu edhe takimet jozyrtare të Ergys Agasit me Edi Ramën në “Vilën 30,” ku janë “gatuar” këto komisione, jashtë syrit të kamerave dhe jashtë regjistrave me emrat e personave që takon.

Ergys Agasi, nga hijet e hetimeve në SPAK tek emërimet në qeveri
Ergys Agasi

Udhëtimet në Dubai që përkojnë me vizitat e kryeministrit e deri te pronaret e mediave kryesore.

Jashtë vëmendjes nuk mund të lihet dhe influenca e Agasit ndaj Sonila Qatos sot nën hetim nga SPAK-u.

Nuk mund të mos përmenden miqësitë me Mirel Mërtirin dhe Klodian Zoton dhe zyrat e tyre në Bllok, makinat luksoze dhe pazaret që shkojnë deri tek inceneratorët.

CNA më tej do të sjellë të tjera detaje, edhe për emërimet e sekretares së KKT-së, apo urdhrat e kryeministrit në mbledhje qeverie se Taulant Balla duhet të konfirmojë drejtorët e policive dhe të komisariateve më parë në SHISH. Pa konfirmimin e SHISH nuk duhet të bëhet asnjë emërim.

Ergys Agasi, nga hijet e hetimeve në SPAK tek emërimet në qeveri
Ergys Agasi

Në fakt, në SHISH tek institucionet dhe agjencitë e sigurisë kalon edhe Ergys Agasi me lidhjet e tij.

Ndaj edhe duket e çuditshme, por ditë pas dite, fakt pas fakti do të zbardhim gjithçka në deklaruam në 3 shkrimet e mëparshme dhe në këtë shkrim të katërt, publikuar sot për hijen në errësirë të Edi Ramës, të cilit do t’i japim të gjithë dritën e nevojshme për opinionin publik./ CNA

Lajmet e fundit nga