web counter
LEXO PA REKLAMA!

SHKARKO APP

App Store
Google Play

E fundit!

x

Zhdukja e Ervis Martinajt/ Merren në pyetje Niçja dhe kushëriri i tij

25 Tetor 2022, 10:59, Aktualitet CNA

Zhdukja e Ervis Martinajt/ Merren në pyetje Niçja dhe kushëriri

Astrit dhe Jasim Avdylaj janë marrë në pyetje nga prokuroria e Durrësit për llogari të prokurorisë së Lezhës, në lidhje me zhdukjen e Ervis Martinajt.

Ata mësohet të ketë dëshmuar se nuk ka dijeni çfarë ka ndodhur.

“Ne jemi në arrest shtëpie jemi të monitoruar nga policia”, mësohet se kanë thënë ata.

Martinaj dyshohet të ketë pasur një nga takimet e fundit para se të humbiste çdo gjurmë te vëllezërit Avdylaj, ndërsa organi i akuzës dyshon se këta të fundit mund të kenë pasur dijeni mbi lëvizjet e tij.

Ervis Martinaj, i njohur si ‘mbreti’ i lojërave të fatit, është zhdukur prej më shumë se 2 muajsh.

Zhdukja e tij ka vënë në lëvizje jo vetëm institucionet e drejtësisë, por edhe politikën.

Kryeministri Edi Rama ka deklaruar se shumë shpejt do kemi një përgjigje për fatin e tij.

Ndërsa kreu i Partisë Demokratike, Sali Berisha, tha para gazetarëve se Rama e di ku ndodhet ‘mbreti’ i lojërave të fatit’ dhe akuzoi Prokurorinë se nuk po vepron./CNA.al





Lajmet e fundit nga