web counter
LEXO PA REKLAMA!

SHKARKO APP

App Store
Google Play

Tensione në Komisionin e Sigurisë/ Opozita tenton të "përplaset” me drejtorin e policisë

25 Tetor 2022, 10:31, Aktualitet CNA

Tensione në Komisionin e Sigurisë/ Opozita tenton të

Komisioni i Sigurisë ka nisur me debate ditën e sotme. I ftuar në këtë komision ishte drejtori i policisë, Muhamet Rrumbullaku, për të folur lidhur me sulmin kibernetik në sistemin TIMS në 8 shtator.

Anëtarët e opizitës provokuan tensione duke hapur çështjen e Lear Kurtit dhe në këtë moment nisi debati.

Deputeti i PD-së, Ferdinand Xhaferraj, i ka kërkuar drejtorit të policisë së shtetit, Muhamet Rrumbullaku, që të përgjigjet për humbjen e jetës së 32-vjeçarit Lear Kurti.

“Nuk mund të bëjmë sikur s’ka ndodhur asgjë. Nuk mund të vijojmë në këtë formë. Ajo që ka ndodhur është shumë e rëndë”, tha Xhaferraj.

Deputeti Xhemal Qefaliu ndërhyri duke u shprehur se ditën e sotme drejtori është ftuar për t'u përgjigjur lidhur me sulmet kibernetike dhe se për çështjen e 32-vjeçarit do të ftohet sërish.

“Sot kemi fatin që kreu i policisë vjen vetë, jo si në kohën tuaj, kur vinte zv.drejtori apo një drejtor drejtorie në rastin më të mirë. Sot kemi tjetër temë, e thërrasim prapë”, tha Qefalia.

Drejtori i policisë së shtetit, Muhamet Rrumbullaku, u shpreh se ai do të përgjigjet për çështjen e Lear Kurtit brenda 48 orëve.

 “Jam i gatshëm të paraqitem brenda 48 orëve për të dhënë shpjegime për Kurtin. Së dyti edhe për çështjen Rasha, jap të gjitha shpjegimet e duhura. Do t'ju lutesha, që jo çdo gjë që mediatikisht shpërndahet për opinionin, janë të vërteta, reale dhe lidhen me hetimet e drejtësisë. Na respektoni mundin, djersën e gjakun e organizatës që jep për republikën e Shqipërisë”, tha Rrumbullaku./CNA.al

 





Lajmet e fundit nga