web counter
LEXO PA REKLAMA!

SHKARKO APP

App Store
Google Play

“Mos u joshni nga korrupsioni dhe krimi”/ Çuçi, këshilla policëve të rinj

25 Tetor 2022, 09:49, Aktualitet CNA

“Mos u joshni nga korrupsioni dhe krimi”/ Çuçi,

246 punonjës të rinj i janë shtuar sot trupës së policisë së shtetit.

Ministri i Brendshëm, Bledi Çuçi, në ceremoninë e diplomimit u ka dhënë disa porosi dhe këshilla.

Ndër të tjera, Çuçi i inkurajoi efektivët e rinj që të mos joshen nga korrupsioni dhe krimi.

“Dua t’iu jap ca porosi, këshilla, jo vetëm si ministër që mendoj se duhet t'i keni parasysh gjatë rrugëtimit, mos u joshni nga korrupsioni dhe nga krimi se jo vetëm që do përballeni me forcën e ligjit dhe ndëshkimin e ligjit, por edhe si korrupsioni dhe krimi do t'ju zhveshin nga dinjiteti. Kur ta kuptoni këtë gjë do jetë shumë vonë për ta korrigjuar gabimin. Mos u thyeni nga krimi, jini të guximshëm, jo vetëm nga krimi, por edhe nga politika që për fat të keq ende dhe ajo politikë e mbrapshtë vazhdon atë rrugën e përbaltjes që e ka ringjallur dhe po e ringjallin fantazmat e politikës së vjetër. Mos u thyeni nga këto sulme, shikoni drejt së ardhmes, drejt zbatimit të ligjit. Policia vazhdon të jetë një institucionet që ka besimin më të lartë në komunitet, me të gjitha tentativat për ta përbaltur, vazhdon të jetë një nga institucionet që gëzon besimin e publikut dhe shoqërisë. Jo vetëm të shoqërisë shqiptare, por si asnjëherë tjetër edhe besimin e partnerëve ndërkombëtarë”, tha Çuçi./CNA.al

 





Lajmet e fundit nga