web counter
LEXO PA REKLAMA!

SHKARKO APP

App Store
Google Play

E fundit!

x

Historiani nxjerr telegramin/ Vendimi i dytë për asgjësimin e dosjeve të politikanëve

24 Tetor 2022, 19:06, Aktualitet CNA
Historiani nxjerr telegramin/ Vendimi i dytë për asgjësimin e
Historiani Kastriot Dervishi

Në kohën kur politika po 'zien' për ligjin e hapjes së dosjeve, historiani Kastriot Dervishi ka publikuar sot telegramin e vendimit të dytë për asgjësimin e dosjeve.

Me anë të një statusi në rrjetet sociale, Dervishi thotë se ky telegram mban datën 2 korrik të vitit 1990.

Ai deklaron se asokohe vëmendja ishte të pastroheshin të dhënat për anëtarët dhe kandidatët e partisë, të cilat nuk arkivoheshin kurrë, por gjendeshin të hapura apo në pritje të gjykimit të komisioneve të ekspertizës së degëve të punëve të brendshme.

“Vendimi i dytë për asgjësim dosjesh

Pas porosisë nr.5990, datë 11.6.1990, vijuan akte të tjera për asgjësim masiv dosjesh. Në korrik 1990 vëmendja ishte të pastroheshin të dhënat për anëtarët dhe kandidatët e partisë, të cilat nuk arkivoheshin kurrë, por gjendeshin të hapura apo në pritje të gjykimit të komisioneve të ekspertizës së degëve të punëve të brendshme. Me telegramin nr.277 dhe 278, datë 2.7.1990, njoftoheshin organet e varësisë, si vijon:

“Lidhur me përpunimet anëtarë e kandidat partie dhe materialet në ruajtje të tyre, nga ana juaj të veprohet në këtë mënyrë: Hapni udhëzimet që ju kemi dërguar dhe në bazë të tyre të trajtohen përpunimet anëtar e kandidat partie si dhe materialet në ruajtje nga ana juaj. Ndryshimi qëndron vetëm në atë që për këto raste do të gjykohen nga sekretari i parë i komitetit të partisë së rrethit dhe në ushtri nga sekretari i komitetit të partisë së njësisë, barabartë me të. Materialet në ruajtje do të jenë kryesisht që bëhet fjalë për spiunazh dhe organizim kudo ato që janë ruajtur, thjesht për agjitacion e propagandë që në ligjin e ri nuk konsiderohen më si krim, të asgjësohen menjëherë. Asgjësimi të bëhet në bazë të rregulloreve. Kjo punë të përfundojë brenda 15 korrikut”.”, shkruan historian./ B.A. – CNA.al





Lajmet e fundit nga