web counter
LEXO PA REKLAMA!

SHKARKO APP

App Store
Google Play

E fundit!

x

Lear Kurti u vra apo humbi jetën nga kokaina?/ Prokuroria zbardh hetimet

24 Tetor 2022, 10:34, Aktualitet CNA

Lear Kurti u vra apo humbi jetën nga kokaina?/ Prokuroria zbardh hetimet

Prokuroria e Tiranës pas disa ditësh ka reaguar në lidhje me ngjarjen e Lear Kurtit, i cili humbi jetën në rrethana të mistershme.

Sipas Prokurorisë, janë kryer të gjitha veprimet hetimore, janë marrë në pyetje dëshmitarët, punonjësit e policisë si dhe hetimet janë shtrirë në spitalin e Traumës, te mjekët dhe infermierët.

"Mbi bazën e referimit të Drejtorisë Rajonale të Agjencisë së Mbikëqyrjes Policore Tiranë, Prokuroria pranë Gjykatës Shkallës parë Tiranë ka regjistruar proçedimin penal Nr.7671/2022 për veprën penale 'kryerje e veprimive arbitare' dhe 'Mosdhënia ndihmë', parashikuar nga nenet 250 dhe 290 e K.Penal.

Deri në këtë fazë të hetimit, janë administruar kartela mjekësore e shtetasit Lear Kurti, procesverbali i kqyrjes së kufomës, pamjet filmike të regjistruara nga kamerat e sigurisë që nga momenti i konstatimit dhe deri në dërgimin e tij për ndihmë mjekësore pranë Qendrës Spitalore Universitare e Traumës, janë pyetur në cilësinë e personave që tregojnë rrethana të hetimit shtetasit që kanë qenë prezent me viktimën dhe të gjithë punonjësit e policisë që kanë kryer veprime me shtetasin Lear Kurti.

Po kështu, është administruar akti i ekspertimit kimik i kryer nga një grup prej 5 (pesë) ekspertësh, nga i cili ka rezultuar se në mbetjet e qeses së gjetur në stomakun e viktimës gjatë kryerjes së autopsisë, ka prani të lëndës narkotike kokainë.

Në vijim të veprimeve të tjera, grupi hetimor, me qëllim evidentimin e të gjitha rrethanave dhe shkaqeve të vdekjes së shtetasit Lear Kurti, do të administrojë pamjet filmike të urgjencës në Qendrën Spitalore të Traumës, pyetjen e personelit infermiero/mjekësor që kanë pritur dhe janë marrë me trajtimin e shtetasit Lear Kurti si dhe çdo veprim tjetër për zbardhjen e plotë të kësaj ngjarjeje", njofton Prokuroria e Tiranës./CNA.al





Lajmet e fundit nga