E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit me kreut ...

Lear Kurti, Prokuroria “rrëzon” veten dhe Agjencinë e Mbikqyrjes Policore

24 Tetor 2022, 14:09, Aktualitet CNA

Lear Kurti, Prokuroria “rrëzon” veten dhe Agjencinë e

Lear Kurti ka humbur jetën në rrethana të dyshimta. Të paktën sipas deklaratave që vijnë nga institucionet, humbja e jetës së të riut është e veshur me mister.

Sot Prokuroria e Tiranës ka dërguar një njoftim për media, ku përgënjeshtron njoftimin e parë të saj në bashkëpunim me Agjencinë e Mbikqyrjes Policore.

Në njoftimin e para tri ditëve, i cilësuar si “Njoftim i përbashkët për media i Prokurorisë Tiranë dhe AMP-së", thuhet se çdo gjë ka shkuar sipas procedurave ligjore.

Pavarësisht se nuk jepet se për çfarë është dyshuar 32-vjeçari, i cili është shoqëruar më pas në komisariat thuhet se policia ka qenë korrekte.

“Nga analiza e kryer e provave të grumbulluara deri në këtë fazë të hetimeve, si pamje filmike, këqyrje dhe ekzaminime mjeko-ligjore, nuk evidentohen veprime të kundraligjshme të punonjësve të Policisë, gjatë dhe pas shoqërimit të shtetasit L.K., 32 vjeç”, thuhet në njoftimin e përbashkët AMP dhe Prokurori.

Por sot e njëjta Prokurori thotë se po kryen hetime për kryerje të veprimeve arbitrare dhe jo vetëm.

“Mbi bazën e referimit të Drejtorisë Rajonale të Agjencisë së Mbikëqyrjes Policore Tiranë, Prokuroria pranë Gjykatës Shkallës parë Tiranë ka regjistruar proçedimin penal Nr.7671/2022, për veprën penale “Kryerje e veprimeve arbitare” dhe “Mosdhënia ndihmë”, parashikuar nga nenet 250 dhe 290 e K.Penal.

Deri në këtë fazë të hetimit, janë administruar kartela mjekësore e shtetasit Lear Kurti, procesverbali i kqyrjes së kufomës, pamjet filmike të regjistruara nga kamerat e sigurisë që nga momenti i konstatimit dhe deri në dërgimin e tij për ndihmë mjekësore pranë Qëndrës Spitalore Universitare e Traumës. Gjithashtu, janë pyetur në cilësinë e personave që tregojnë rrethana të hetimit, shtetasit që kanë qenë prezent me viktimën dhe të gjithë punonjësit e policisë që kanë kryer veprime me shtetasin Lear Kurti.

Në vijim të veprimeve të tjera, grupi hetimor, me qëllim evidentimin e të gjitha rrethanave dhe shkaqeve të vdekjes së shtetasit Lear Kurti, do të administrojë pamjet filmike të urgjencës në Qendrën Spitalore të Traumës, pyetjen e personelit infermiero/mjekësor që kanë pritur dhe janë marrë me trajtimin e shtetasit Lear Kurti si dhe çdo veprim tjetër për zbardhjen e plotë të kësaj ngjarje”, thhuhet në njoftimin e sotëm të Prokurorisë./CNA.al

Lear Kurti, Prokuroria “rrëzon” veten dhe Agjencinë e