web counter
LEXO PA REKLAMA!

SHKARKO APP

App Store
Google Play

"Kam bindje të majta"/ Pedagogu: Qeveria të shtrëngohet diku që të mbështesë arsimin publik

24 Tetor 2022, 11:59, Aktualitet CNA

"Kam bindje të majta"/ Pedagogu: Qeveria të shtrëngohet

Aleko Miho, pedagog në Fakultetin e Shkencave, departamenti i Biologjisë, ishte pjesëmarrës në protestën e sotme që po mbahet nga pedagogët në Korpusin Universitar.

Ai deklaron se duhet të ketë një mbështetje më të madhe ndaj arsimit publik. Në fjalën e tij ai shprehet se është i vetëdijshëm për situatën kritike në vend, por nga ana tjetër ai cilëson se kërkesat e pedagogëve janë legjitime.

 “Është cenuar dinjiteti i akademikëve dhe intelektualizmi që është zbehur në vend. Kemi gjetur rrugë të ligjshme për të rrumbullakosur të ardhurat, dikush si pedagog i jashtëm, konsulent apo biznes. Kërkesa jonë mund të duket e tepruar në një vend që ka shumë varfëri. Shumë prej nesh bashkohen në misionin e përbashkët. Burrat e shtetit duhet të gjejnë forcën të dëgjojnë zërin ndryshe pa etiketime. Kjo është demokracia.
Unë dhe familja ime bëjmë një jetë modeste e kështu kemi edukuar edhe fëmijët. Ndihem krenar për çfarë kam bërë këto vite. Kemi pasur mundësi të largohemi, por bindja ime është që arsimi publik lejon që misionin tonë ta kryejmë më mirë këtu. Qeveria të shtrëngohet diku gjetkë që të mbështesë arsimin publik. Unë vetë jam me bindje të majta”, tha ai./CNA.al





Lajmet e fundit nga