"Rrisim buxhetin, por ulim shpenzimet për shëndetësinë dhe arsimin"/ Gazetari jep alarmin

24 Tetor 2022, 14:15, Aktualitet CNA

"Rrisim buxhetin, por ulim shpenzimet për shëndetësinë

Gazetari Klodian Tomorri ka ngritur shqetësimin se si është e mundur që qeveria deklaron se buxheti është rritur krahasur me vitin 2013, ndërkohë që ulen shpenzimet për shëndetësinë dhe arsimin.

Përmes një statusi në Facebbok, Tomorri ngre pyetje se përse kryeministri i vendit nuk shpjegon se përse shpenzimet publike per arsimin vitin e ardhshëm ulën me 0.27 për qind e Prodhimit Kombëtar (nga 3.6 per qind e PBB të planifikuara këtë vit, ne 3.33 për qind vitin tjetër).

Statusi i plotë:

Rrisim buxhetin, por ulim shpenzimet për shëndetësinë dhe arsimin

Bëjnë 107 faqe relacion dhe 320 tabela për Projektbuxhetin, por nuk vendosin në asnjë rresht dy treguesit më të rëndësishëm të tij; shpenzimet për arsimin dhe ato për shëndetësinëndaj Prodhimit Kombëtar.

Publikojnë një tabelë që klasifikon shpenzimet publike sipas funksioneve të qeverisë, por as ajo nuk vlen se thonë që ketu nuk kemi përfshirë shpenzimet e pushtetit vendor këta dy sektorë. Nejse.

Meqë kryeministri na thote se buxheti është dyfishuar krahasuar me 2013-en, duhet të na shpjegoje se pse shpenzimet publike per arsimin vitin e ardhshem ulën me 0.27 për qind e Prodhimit Kombëtar (nga 3.6 per qind e PBB të planifikuara këtë vit, ne 3.33 për qind vitin tjetër). Dhe tek këto shifrat përfshihen edhe 50 milione euro koncesione të programuar nga Lali Eri këtë vit për disa shkolla nëpër Tiranë. Ah po do rrisim rrogat e pedagogeve me 7 për qind.

Përtej kesaj Kryeministri dhe ministrja e Financave duhet të na shpjegojnë se sa i kanë shpenzimet per shëndetësinë vitin tjetër. Ka folur ministrja e Financave në konferencë kryetaresh, në komisione Parlamentare, por nuk e përmend askund shëndetesinë. Me shumë gjasa edhe shpenzimet për shëndetesine ulen në terma reale.

Madje këtu brenda shëndetesisë as ato që deklarojnë nuk shkojnë mirëfilltazi për shëndetesinë. Se 50 milionë euro çdo vit i marrin koncesionaret aty. Vilma do parate si kur bën analiza si kur nuk bën.

Përtej kësaj, tani po na del i tmerrshëm edhe ky koncesioni i laboratorëve. 66 milionë euro e ka faturën totale ky- bertiste ministrja e Shëndetesisë kur u nënshkrua koncesioni. Madje bëri dhe deklaratë zyrtare për të më përgenjshtruar mua për një lajm qe bëmë ne Top Channel, ku i thonim që e ke minimalisht 100 milione euro faturën e laboratoreve.

Më vonë e rriten 100 milione euro, por çeshtja është se as aty nuk u ndalen. Tani kanë planifikuar 15 milionë euro në vit për laboratorët dhe me rritje nga viti ne vit. Dmth po e çojnë mbi 150 milionë euro faturën e koncesionit te laboratorëve. Kështu bënë edhe me sterilizimin. I negociojnë vete sipas qejfit dhe i çojnë sa të duan.

Pra, përfundimi është ky. Buxheti është dyfishuar në vlerëe nga 2013-a-na thotë kryeministri. Por shëndetësia do të marrë më pak fonde. Arsimi po ashtu. Aman fytyrën e shëndetësisëe dhe arsimit e kemi ndryshuar. Me propagandë./CNA.al