web counter
LEXO PA REKLAMA!

SHKARKO APP

App Store
Google Play

E fundit!

x

Pedagogët, të përçarë/ "Disa rektorë dhe dekanë po bëjnë antimitingje me Ministrinë e Arsimit"

25 Tetor 2022, 10:42, Aktualitet CNA

Pedagogët, të përçarë/ "Disa rektorë dhe

Pedagogët kanë vijuar edhe sot bojkotin e mësimit dhe po protestojnë sërish për plotësimin e kërkesave të tyre që i kanë listuar që në ditën e parë që kanë marrë vendimin për nisjen e protestave.

Kreu i Sindikatës së Pedagogëve, Sandër Kovaçi, është shprehur se kjo nuk është një protestë studentore, por rëndësia e studentëve në fakultet duhet të rritet.

Kovaçi shprehet se vlera e votës studentore për zgjedhjen në Këshillat e Universitetit do të rritet nga 10% në 20% dhe se procesi i votimit në universitet duhet t’i largohet nepotizmit dhe të mos ngjajnë si fushatat politike.

“Derisa të marrë udhë plotësimi i kërkesave të profesoriatit dërguar autoriteteve. Procesi i ndjekjes së peticionit e protestat kanë nxjerrë në dritë nevojën për një platformë të re universitare. Nesër në orën 11 do të jetë një forum i gjerë me Profesoratin, pedagogë, studentë, aktivistë, gazetarë. Ditë e rëndësishme për të përfshirë idetë e zgjeruara të këtij grupimi, do jepet në forum përmbledhje e ideve që do përfshihen më pas në një platformë të re të universiteteve. Bojkot i përgjithshëm i mësimit dhe pjesëmarrje e përgjithshme në këtë Forum.
Ata që nuk kan pasur disiplinë tërë viteve japin mësim sot. Qëllimi kryesor është rritja e disiplinës. Dekanët po mbledhin njerëzit për t'i kërkuar mungesat. Do jenë para gjykimit të plotë të profesoratit pas dy vitesh. Vota nuk do manipulohet më. Do kërkojmë që përfshirja e studentëve në votim të jetë minimumi 20 për qind”, u shpreh ai.

Një tjetër pedagog mori fjalën dhe u shpreh se disa rektorë po bëjnë antimitingje me Ministrinë e Arsimit, për të shuar kështu protestën e pedagogëve. Në emër të sindikatës dhe të pedagogëve të tjerë pjesëmarrës në protesta ai u shpreh se sindikata, pedagogët e jo vetëm po shikon çdo lëvizje të tyre.

“Ka disa rektorë ose dekanë që po bëjnë antimitingje me Ministrinë e Arsimit. Të bëjnë kujdes sepse sindikata, pedagogët e jo vetëm po i shikon. Ata janë pedagogë, dhe kështu po humbin vlerën e titullit të tyre.”- u shpreh ai./CNA.al





Lajmet e fundit nga