LEXO PA REKLAMA!

SHKARKO APP

Zbulohen 6 minisera me kanabis në Velipojë/ Dy të rinj në pranga

3 Qershor 2023, 10:38, Aktualitet CNA
Zbulohen 6 minisera me kanabis në Velipojë/  Dy të rinj në

Zbulohen dhe shkatërrohen 6 minisera në Velipojë ku ishin të kultivuara 270 bimë të dyshuara cannabis sativa.
Arrestohen në flagrancë, duke u kujdesur për miniserat me kanabis, dy autorët e dyshuar.

Pas disa javë hetimesh proaktive, shërbimet e Komisariatit të Policisë Shkodër në bashkëpunim me shërbimet e Stacionit të Policisë Velipojë, organizuan dhe finalizuan operacionin policor të koduar “Baks 2”.

Në kuadër të operacionit shërbimet e Policisë duke përdorur dhe dronë për të monitoruar lëvizjet e autorëve, kapën dhe arrestuan në flagrancë shtetasit:

– O. J., 33 vjeç dhe L. Sh., 28 vjeç, të dy banues në fshatin Baks, Velipojë.

Këta shtetas janë kapur në flagrancë nga shërbimet e Policisë duke zbuluar nga plasmasi miniserat, të cilat gjatë natës i mbulonin me plasmas.

Grupi hetimor sekuestroi në cilësinë e provës materiale një sasi të bimëve narkotike dhe prova të tjera që do ti shërbejnë hetimit, ndërsa pjesa tjetër e bimëve u asgjësua me anë të djegies.

Materialet procedurale i kaluan Prokurorisë për veprime të mëtejshme./CNA.al

Lajmet e fundit nga