LEXO PA REKLAMA!

SHKARKO APP

E fundit!

x

Arrestimi i zyrtares/ Reagon SPAK: Operacioni po vijon

2 Qershor 2023, 20:34, Aktualitet CNA

Arrestimi i zyrtares/ Reagon SPAK: Operacioni po vijon

Policia, me urdhër të SPAK-ut, arrestoi sot sekretaren e përgjithshme të Ministrisë së Shëndetësisë, shtetasen Joana Duro dhe zyrtaren Laura Shteto.

Pak minuta më parë për këtë lajm ka reaguar SPAK, i cili konfirmon vënien në pranga të Duros.

Në deklaratën e bërë për mediat, SPAK thotë se sekretarja e përgjithshme e Ministrisë së Shëndetësisë ka kryer korrupsion.

“Është një operacion në zhvillim e sipër. Është arrestuar në flagrancë Sekretarja e Përgjithshme e Ministrisë së Shëndetësisë për veprën penale të korrupsionit. Nuk mund të them më shumë për momentin”, thekson SPAK, pa dhënë më shumë informacion për operacionin.

Kujtojmë se kryeministri Edi Rama paralajmëroi pasditen e sotme arrestimin e një sekretareje të përgjithshme. Rama nuk tregoi emrin e sekretares dhe institucionin ku ajo punon, por zbuloi se bëhet fjalë për korrupsion.

Sipas kreut të qeverisë, sekretarja e përgjithshme është kapur në flagrancë duke marrë para./ CNA.al

Lajmet e fundit nga