E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Ylli Manjani del në krah të Edvin Priftit/ Pezullimi i tij, me porosi të Ramës

28 Qershor 2022, 17:35, Aktualitet CNA

Ylli Manjani del në krah të Edvin Priftit/ Pezullimi i tij, me porosi

Ish-ministri i Drejtësisë, Ylli Manjani

Ish-ministri i Drejtësisë, Ylli Manjani, i shikon me pozitivitet komentet mbështetëse ndaj mjekut Edvin Prifti, i cili është pezulluar nga detyra të mjekut Edvin Prifti, deri në shkurt të vitit 2023.

Manjani e cilëson si vendim të porositur nga kryeminstri Edi Rama atë të Gjykatës së Apelit, teksa thotë se mjeku është "i dënuar" me hetim, fiks si në kohën e drejtësisë popullore bolshevike.

Ai shtron pyetjen se përse duhej ndaluar Prifti që të ushtronte detyrën e tij brenda sallës, ndërsa thekson se kjo masë është e tepërt.

“Më vjen mirë që shoh në rrjet disa reagime kundër drejtësisë popullore që po i bëhet doktor Edvin Priftit.

Më vjen mirë që ka kuptueshmëri të qartë mbi të drejtën, ligjin dhe dallimin me gjuetinë e shtrigave.

Doktor Edvin Prifti për momentin është "i dënuar" me hetim... Fiks si në kohën e drejtësisë popullore bolshevike.

Në fillim të ndalojnë me një porosi nga lart (Kryeministri e anoncoi para gjykatës arrestimin e tij) pastaj të bëjnë ushqim për popullin.

Nëse kërkon çke bërë, të zgjatet afati i hetimit dhe të jepet përgjigja,"do kesh bërë diçka ti" ose "po hetojmë"!!!

Por pyetja ime është, mirë që po hetojnë, po me ç'llogjikë gjykata penale ndalon mjekun të ushtrojë profesionin?!

Ata nuk po e hetojnë për ndonjë krim që lidhet me profesionin, atëhere përse e ndalojnë ta ushtrojë atë?!

Arrij të kuptoj që po hetojnë diçka që mund të lidhet me detyrën administrative, pra me të qënit shef shërbimi, por jo me profesionin e kirurgut. Do ta kuptoja pezullimin nga detyra e shefit, ndoshta edhe ndalimin e mbajtjes së detyrave publike meqë duan të hetojnë rreth tyre, por nuk e kuptoj hiç ndalimin e kirurgut të hyjë në sallën e operacionit!?

Kjo është e tepërt. Është jashtë çdo lloj llogjike.

Apo na mbytën kardiokirurgët këtu ,saqë nuk e kemi problem të ndalojmë njërin prej tyre!!!

Kudo në botë, çështjet e profesionit rë mjekut i trajton urdhëri i mjekut, jo polici as gjykatësi. Se është njësoj sikur të çosh policë në maternitet me detyrë të ndalojnë lindjet”, shkruan ish-ministri./ B.A. – CNA.al