web counter
LEXO PA REKLAMA!

SHKARKO APP

App Store
Google Play

E fundit!

x

Harta e re gjyqësore, Nano: S’e kuptoj pse qeveria s’jep një shpjegim të plotë!

27 Qershor 2022, 22:14, Aktualitet CNA
Harta e re gjyqësore, Nano: S’e kuptoj pse qeveria s’jep
Gazetari, Mustafa Nano

Vendimin për ndryshimin e hartës gjyqësore, e ka komentuar edhe gazetari Mustafa Nano. I ftuar në "MCN TV", Nano ka deklaruar se nuk e kuptoj pse qeveria nuk jep një shpjegim të plotë për këtë nismë dhe pse avokatët nuk e sqarojnë konkretisht pse po protestojnë.

“Qeveria refuzon të takohet me një përfaqësi të asaj pale që po ngre zërin, ndoshta me avokatë apo qytetarë. Duhet të dëgjojë arsyet e palës tjetër, kjo reformë i koncentron këto gjykata, e zvogëlon numrin e tyre, askush nuk thotë që ka interes politik, por nuk del njeri të bëje sqarim të plotë. Mendoj se është rezistencë e mirë të paktën për ta bërë publikun të marrë vesh. Tirana ka pasur gjyqe.

Të dyja palët kanë arsyet e tyre, do të doja t’i njihja mirë, pasi të dyja palët janë shprehur pak. Do të doja të njihja arsyet pse avokatët në masë po e kundërshtojnë. Hazizaj tha se tendenca e qeverisë për të kursyer para, nuk hidhte dyshime për ndonjë plan djallëzor. Dhe këtë shpjegim e thoshte me ndoshta. Qeveria nuk dihet pse e ka marrë këtë vendim".

Më tej, gjatë fjalës së tij Nano tha se nuk beson se arsyet e krijimit të Hartës së Re gjyqësore janë ekonomike duke shtuar se nëse do të ishin të tilla do të ishte jo e mirëmenduar dhe do të kishte më shumë kosto për qytetarët.

"Nëse është kjo arsyeja mbi bazën që qeveria po e merr këtë reformë unë jam dakord me qytetarët kur thonë që do të jetë një kosto më e lartë se kjo që bëhet sepse do ketë kosto të qytetarëve. Nuk jam i prirur ta besoj. Duhet të ketë arsye joekonomike, por të eficiencës së sistemit. Nëse janë ekonomike është e gabuar, jo të menduar mirë.

Kjo është ndërhyrje që s’ka të bëjë me Reformën në drejtësi, edhe pasi të Mbyllet Reforma në Drejtësi ndërhyrje të tilla do bëhen. Është ndërhyrje që do e zbulojmë ditët e  ardhshme pse është bërë. Për reformën drejtësi është folur shumë. Mund të jetë bërë ndonjë ndryshim që reformë ta modelojë qeveria në favor të interesave por kjo është reformë e sponsorizuar nga ndërkombëtare dhe nuk besoj se ka ndërhyje të madhe".

Lidhur me gjuhën dhe deklaratat e bëra nga kryeministri Rama në samitin e Brukselit, Nano tha se nuk ishte një gjuhë model për një kryeministër, por shtoi se jashtë është mirëkuptuar dhe i ka qëlluar e gjetur.

"Është një gjuhë që më ka bërë përshtypje, edhe mua. Nuk është gjuhë model. Jashtë është mirëkuptuar. Është shpjeguar me faktin që po u bien në qafë shqiptarëve dhe maqedonasve. Rama ka qenë i ndërgjegjshëm që ekziston ky humor lidhur me procesin e zgjerimit dhe e ka pikasur këtë humor, e ka bërë atë humor dhe i ka qëlluar e gjetur. Në rrethana të tjera nuk do më pëlqente toni dhe një lloj harbutërie, por në këtë rrethanë e shoh të gjetur. Bëjmë mirë ta kritikojmë BE-në. Ka rregulla të çuditshme". 

Teksa u ndal dhe te “Ballkani i Hapur”, Nano tha se ky proces dhe integrimi në BE ecin paralelisht me njëra-tjetrën dhe se kjo nismë synon t’u japë qytetarëve disa gjëra që BE-ja nuk na i jep.

"'Ballkani i Hapur' është gjë tjetër s’ka lidhje me integrimin në BE. Ka qëllimin të krijojë lehtësira për qytetarët. Nëse anëtarësohemi në BE bie. Janë procese që ecin paralelisht, nuk shoh përplasje. Në Ballkan synon të fitojmë ca gjëra që BE nuk na i jep".

Nano tha se mezi po pret të fillojë ndërtimi i Teatrit Kombëtar, por që nuk e kuptonte heshtjen e ministres së Kulturës ditën e sotme kur u pyet se kur do të fillojë ndërtimi i tij.

"Unë mezi po pres të fillojë ndërtimi i Teatrit. Një teatër modern do ishte një nga gjërat më të domosdoshme. Qeveria është e interesuar sepse është e interesuar ta shesë si një gjë e madhe. Nuk e di pse ministrja nuk jep një datë të saktë. Heshtja më bëri të mendoj se ata kanë frikë. Rama dhe ministrja kanë garantuar të fillojë këtë vit"./CNA.al

 

 

 

 





Lajmet e fundit nga