web counter
LEXO PA REKLAMA!

SHKARKO APP

App Store
Google Play

E fundit!

x

Amnistia Fiskale/ Deputeti Sinaj: Do të ketë efekte në ekonomi, do të shtojë të ardhurat në buxhet

27 Qershor 2022, 21:16, Aktualitet CNA
Amnistia Fiskale/ Deputeti Sinaj: Do të ketë efekte në ekonomi,
Deputeti i Partisë Socialiste, Vullnet Sinaj

Deputeti i Partisë Socialiste, Vullnet Sinaj, i ftuar në emisionin “Now” me Erla Mëhillin, lidhur me Amnistinë Fiskale, të propozuar nga qeveria, është shprehur se çështja kryesore është pse po e bëjmë këtë amnisti dhe ku ndikon kjo te shqiptarët.

Sipas deputetit të PS-së, “amnistia do të ketë ndikim të dyanshëm, do të ketë ndikim edhe për shqiptarët edhe për qeverinë. Ne vijmë nga një sistem i centralizuar dhe hyjmë në një ekonomi tregu pa e ditur çfarë ishte ekonomia. Të jemi realist ka pasur shumë shqiptarë, që kur kanë blerë një pronë se kanë deklaruar për të mos paguar tatime se aq kuptonin për momentin, po kështu edhe kur kanë hapur biznese për herë të parë, që të mos paguanin taska, për të mos kaluar biznes i madh, nuk deklaronin të ardhurat. Fryhej llogaria dhe mbetej pa deklaruar. Emigrantët që kanë punuar në të zezë etj”.

Më tej, deputeti i PS-së, shprehet se edhe situata në të cilën ndodhemi ka sjellë situatën kritike për mbarë vendin jo vetëm për Shqipërinë.

Me këtë ligj,- u shpreh deputeti i PS-së, - qeveria ka mundësinë të rrisë të ardhurat, sepse gjithë këto deklarime do të bëjnë të mundur të kemi një situatë tjetër, të kemi biznese të reja, por me një bazë tjetër jo më duke fshehur të ardhurat.

“Kjo do të shtojë të ardhura në buxhet, por edhe do t'u japë mundësinë shqiptarëve të investojnë të qetë në vendin e tyre.  Amnistia është edhe një çlirimin mendor, shpirtëror për njerëzit, të cilët kanë fshehur diçka dhe tani kanë mundësinë ta deklarojnë. Do të ketë efekte në ekonominë tonë”, u shpreh deputeti socialist./CNA.al

 





Lajmet e fundit nga