web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutimi i Xhuvanit/ Kush është zv.drejtori i policisë që ra në pranga, i përfshirë edhe në dosjen "Babale"

27 Qershor 2022, 20:14, Aktualitet CNA
Ekzekutimi i Xhuvanit/ Kush është zv.drejtori i policisë që
Albert Nushi

Albert Nushi, zv.drejtori për rendin e sigurinë publike në D.V.P. Berat, ka rënë sot në pranga, pasi Gjykata e Elbasanit e ka dënuar me “arrest shtëpie”  për ngjarjen e ndodhur në 21 prilli të 2021-shit, ku u vra në Elbasan Pjerin Xhuvani.

Nushi akuzohet për kryerjen e veprave penale të "Shpërdorimi i detyrës" dhe "Deklarimi i rremë përpara oficerit të policisë gjyqësore".

Në prill të 2021-shit, ai ka mbajtur postin e nëndrejtorit të policisë së Elbasanit.

Sipas dëshmitarëve, Nushi dhe disa vartës të tij kanë qenë prezent në vendin e ngjarjes, por sapo ka nisur debate mes palëve, ata janë larguar me vrap.

Por, kjo nuk është e vetmja ngjarje në të cilën është përfshirë zyrtari i policisë, pasi është përmendur për disa përgjime në dosjen “Babale”, në kohën kur ai ka qenë drejtor i Policisë së Fierit.

Ai ka deklaruar para trupit gjykues se njohja e tij me Fredi Alizotin vinte për shkak të detyrës, dhe se ai i kishte rrëfyer se ka interpretuar zërin e vëllait të ish-ministrit të Brendshëm Fatmir Xhafa, Geron apo Agron Xhafës në përgjimet e dosjes 'Babalja'.

Albert Nushi pretendon se me Alizotin nuk ka komunikuar më shumë se 3 herë nëpërmjet telefonit./ B.A. – CNA.al





Lajmet e fundit nga