web counter
LEXO PA REKLAMA!

SHKARKO APP

App Store
Google Play

E fundit!

x

Debatet për abortin/ Dom Gjergj Meta: Krim i pafalshëm, njësoj si vrasja e fëmijëve në luftë

27 Qershor 2022, 21:01, Aktualitet CNA
Debatet për abortin/ Dom Gjergj Meta: Krim i pafalshëm, njësoj si
Dom Gjergj Meta

Vendimi i Gjykatës Supreme Amerikane për abortin ka rikthyer debatin në shumë vende të botës.

Lidhur me këtë ka folur dhe Dom Gjergj Meta, i cili në një dalje televizive, tha se kisha edhe pse dihet që qëndron në krahun kundër abortit, ajo duhet t’i mbështesë ato nëna që kërkojnë një ngushëllim për abortet apo burrave dhe mjekëve që marrin pjesë në to.

Dom Meta tha se aborti është njësoj si një krim që kryhet ndaj fëmijëve të pambrojtur në zonat me konflikt.

“Unë nuk e kam parë vendimin apo termat që janë përdorur aty. Por ky është një debat kompleks, jo i lehtë për t’u bërë. Sepse ka një ndeshje mes të drejtës së jetës dhe të drejtës së gruas. Ka një pjesë që thonë se në atë embrion ka një subjekt, është një person me një ADN të veten të ndryshme nga nëna dhe që përkohësisht për 9 muaj është brenda një gruaje. Por është një trup i veçuar. Por ka nga ata që thonë se është pjesë e trupit të femrës dhe me atë embrion mund të bëjë ç’të dojë, sikur e bën me gjymtyrët e saj. Mirëpo po të presësh një gisht, ky gisht nuk do të bëhej kurrë njeri. Kurse ai embrion është e vetmja qelizë që bëhet njeri. Ky është debati i madh dhe sigurisht që unë jam në anën e atyre që mbrojnë jetën nga ngjizja deri në vdekje. Unë s’jam as për ata persona që përdorin argumentin ‘pro life’ për të demonizuar dhe anatemuar gratë të cilat kanë kryer një abort.

Asnjë grua nuk është e kënaqur që e ka bërë një gjë të tillë, dhe asnjë burrë apo mjek që ka ndikuar dhe ka marrë pjesë në këtë gjë s’është i kënaqur. Ne si kishë duhet të mbajmë këtë qëndrim me të njëjtën forcë ndaj atyre personave që kërkojnë një ngushëllim. Unë s’mendoj që kisha katolike ka vetëm këtë problem. Për mua është e barabartë me vrasjen e të pafajshmëve, si ata fëmijë që vriten sot në konflikte të tjera”, tha ai./CNA.al

 





Lajmet e fundit nga