Ministri i Brendshëm Besfort Lamallari ka zbarkuar në Drej...
Vrasja e Pjerin Xhuvanit/ Flet Albert Nushi: Jam njoftuar për një verifikim telefonate
28 Qershor 2022, 09:56, AktualitetCNA
Drejtoria Rajonale e AMP Elbasan-Korçë ka ekzekutuar urdhrin e Prokurorisë së Rrethit Gjyqësor Elbasan për ekzekutimin e vendimit të Gjykatës së Shkallës së Parë Elbasan për caktimin e masave të sigurimit në lidhje me hetimet mbi procedimin penal nr. 477 të vitit 2021.
Në kuadër të këtij hetimi, Gjykata ka caktuar masat e sigurimit personal “Arrest në shtëpi” për Albert Nushin, aktualisht me detyrë zv/drejtor për rendin e sigurinë publike në D.V.P. Berat, i dyshuar për kryerjen e veprave penale të "Shpërdorimi i detyrës" dhe atë të "Deklarimi i rremë përpara oficerit të policisë gjyqësore", parashikuar nga neni 248 dhe 305/b i Kodit Penal.
Ky hetim ka nisur në lidhje me vrasjen e Pjerin Xhuvanit, me 21 prill 2021, një javë para zgjedhjeve parlamentare.
CNA.alka kontaktuar me zv/drejtorin për rendin e sigurinë publike në Berat, Albert Nushi, në lidhje me akuzat e ngritura ndaj tij.
Nushi ka mohuar të ketë shpërdoruar detyrën apo se ka dhënë deklarim të rremë, ndërkohë që është në pritje të vendimit të Gjykatës, për t’u infomuar për hollësitë.
“Sinqerisht edhe unë po mundohem ta di. Për të gjithë që kanë qenë aty që nga momenti që më njoftuan për një verifikim të një telefonate deri në kqyrjen e vendit të ngjarjes janë të qartë se nuk ka nga ana ime as shpërdorim as deklarim të rremë.
Gjithsesi, po pres të më njoftojnë për verifikimin e ekzekutimit të urdhrit për vendimin e gjykatës”, ka deklaruar Nushi për CNA.al.
