Ish-sigurimsi në DSIK firmosi për Xhuljana Dumanin/ Certifikata e sigurisë që i nxori zbuluar

28 Qershor 2022, 14:00, Aktualitet CNA

Ish-sigurimsi në DSIK firmosi për Xhuljana Dumanin/ Certifikata e

Foto ilustruese

Drejtoria e Informacionit të Klasifikuar me 06.06.2022 ka lëshuar një certifikatë sigurie të nivelit të dytë për Xhuljana Dumanin, motrën e vrasësit serial.

Për këtë skandal ka pasur një reagim politik nga Ministria e Jashtme, ku ishte punësuar Xhuljana Dumani, dhe një reagim nga kjo e fundit, e cila njoftoi dorëheqjen.

Por, nga institucioni dhe nga zyrtarët që firmosën certifikatën e sigurisë për “sekrete të NATO-s” dhe ia dhanë Xhuljana Dumanit, nuk ka pasur asnjë reagim.

Ish-sigurimsi në DSIK firmosi për Xhuljana Dumanin/ Certifikata e

As drejtuesi i DSIK, Dorian Tola, dhe as drejtuesi i Vettingut në këtë institucion, Mark Ndreca, nuk kanë reaguar për të sqaruar situatën.

Për më tepër situata bëhet më e rëndë, pasi Ndreca siç është raportuar më herët nga mediat, ka qenë pjesë e sigurimit të shtetit, ndërkohë sot bën Vettingun e zyrtarëve që marrin certifikatë sigurie.

Në DSIK, zyrtari që përpunon dosjet është një ish-sigurims.

Ka qenë vetë Dorian Tola, kreu i DSIK, që me anë të një shkrese për Agron Tufën, ish-drejtorin e Institutit për Studimin e Krimeve dhe Pasojave të Komunizmit në Shqipëri, ka konfirmuar se Mark Ndreca ka qenë pjesë e sigurimit të shtetit.

Dhe këtë ish-sigurims Tola në vitin 2018 e ka bërë fuqiplotë.

Kujtojmë se në vitin 2018, kohë kur në publik u diskutua pajisja me certifikatë sigurie për Gent Cakën, Dorian Tolën, ndërmori një lëvizje dhe ia kaloi kompetencat Mark Ndrecës.

Në urdhrin e tij, Tola kërkon mes të tjerash nga z. Ndreca që të firmosë shkresat përcjellëse për dërgimin e CSP tek institucionet shtetërore. Pra, Tola është distancuar nga procesi.

Dorian Tola, drejtor i Drejtorisë së Sigurimit të Informacionit të Klasifikuar në Kryeministri ka nxjerrë një urdhër, për delegim kompetencash, që lidhen me procedurat e verifikimit të sigurisë së individëve që aplikojnë për certifikatë sigurie dhe operatorëve ekonomikë që aplikojnë për të njëjtën gjë, t'i kalojnë z. Mark Ndreca, me detyrë, drejtori i Drejtorisë së Vetting-ut dhe Sigurimit Industrial.

Ish-sigurimsi në DSIK firmosi për Xhuljana Dumanin/ Certifikata e

Këto kompetenca Ndreca do t'i kishte deri më 31 dhjetor 2018. Deri në këtë periudhë, Ndreca do të firmoste shkresat drejtuar autoriteteve verifikuese për verifikimin e sigurisë, të firmoste shkresat me të dhënat e operatorëve ekonomikë të certifikuar përshtatshmërisht drejtuar autoriteteve kontraktore, të firmoste shkresat për përditësimin e rekordeve të operatorëve ekonomikë të certifikuar përshtatshmërisht drejtuar autoriteteve kontraktore dhe operatorëve ekonomikë si dhe të firmoste shkresat përcjellëse për dërgimin e CSP-së tek institucionet shtetërore.

Nuk dihet nëse ky udhëzim është zgjatur dhe nëse Ndreca ende i ka të gjitha këto komptenca.

Por, skandali me pajisjen e Xhuljana Dumanit me certifikatën e sigurisë për sekrete të Natos, sipas dokumentit të dalë nga DSIK, përgjegjës ka Dorian Tolën dhe Mark Ndrecën që e kanë firmosur./CNA.al