web counter
LEXO PA REKLAMA!

SHKARKO APP

App Store
Google Play

E fundit!

x

Tjetërsimi i 10 mijë m2 tokë shtetërore në Sarandë/ Apeli lë në fuqi masat për 6 të arrestuarit

28 Qershor 2022, 15:56, Aktualitet CNA
Tjetërsimi i 10 mijë m2 tokë shtetërore në
Foto ilustruese

Gjykata e Apelit ka lënë në fuqi masat për 6 të arrestuarit për tjetërsimin e 10 mijë metrave katrorë tokë shtetërore në Sarandë.

Mësohet se kanë mbetur në fuqi masat për drejtorin e Urbanistikës në Bashkinë e Sarandës, Pandi Zhonga, së bashku me juristen e Agjencisë Shtetërore të Kadastrës, Rovena Alikaj si dhe noterin Aleko Anagnostin.

Ndaj tyre rëndon akuza e tjetërsimit të pronave prej 10 mijë metra katrorësh, duke ua dhënë personave të ndryshëm.

Ndërkohë, masat nuk janë ndryshuar as për personat që kanë përfituar nga ky tjetërsim pronash, Fredi Mërkurin, Valter Llomin dhe Argonida Canaj.

Ata akuzohen për falsifikim dokumentesh, me të cilat kanë përfituar edhe tokën, e cila ndodhet në zonën e kanalit të Cukës në Ksamil.

Kujtojmë se Anagnosti dhe Mërkuri janë lënë në burg me afat 45 ditë, ndërsa personat e tjerë janë në “arrest shtëpie”./ B.A. - CNA.al

 





Lajmet e fundit nga