E fundit!

20:27 Politikë

“Ai për investimet strategjike do të shfuqizohet”/ Rama tregon çfarë do të ndodhë me ligjin për zonat e mbrojtura

Kryeministri Edi Rama është shprehur në konferencën ndërqe...

Vrasja e gjyqtarit Kalaja/ Pezullohen seancat gjyqësore

7 Tetor 2025, 09:05, Aktualitet CNA

Seancat në Gjykatën e Apelit në Tiranë janë pezulluar për ditën e sotme.

Vendimi është marrë pas ngjarjes së rëndë të ndodhur ditën e djeshme, ku u ekzekutua me armë zjarri, gjyqtari Astrit Kalaja.

Gjyqtari u qëllua nga Elvis Shkambi në sallën e gjyqit. Autori u vu në pranga pak minuta më pas në ambientet e gjykatës.

Në lidhje me vrasjen e gjyqtarit Kalaja, ditën e sotme janë vënë në pranga edhe Gjon Shkambi, xhaxhai i autorit, si dhe roja i Gjykatës së Apelit.

Si ndodhi ngjarja

Autori Elvis Shkambi ka qenë i pranishëm në sallën e gjyqit, ku në orën 14:00 kishte nisur një seancë për një çështje pronësie, në të cilën ishte palë e gjyqit xhaxhai i tij.

Më pas, seanca ka vijuar normalisht derisa gjyqtari Astrit Kalaja u njoh me pretendimet e të dyja palëve.

Disa minuta më vonë, gjyqtari ka dhënë vendim në favor të palës kundërshtare të Shkambit, shtetasit R. K. dhe E. K., të cilët janë plagosur dhe janë jashtë rrezikut për jetën.

Shkambi e ka qëlluar me pistoletë gjyqtarin sapo ka dhënë vendimin.

Pas krimit të kryer brenda gjykatës, autori i ka dorëzuar armën rojës së sigurisë së gjykatës dhe më pas është larguar tek oborri i gjykatës, ku jashtë ishte edhe patrulla e policisë.

Autori nuk ka bërë rezistencë dhe ka qëndruar në ambientet e oborrit të gjykatës derisa policët i vendosën prangat.