web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e gjyqtarit Kalaja/ Olsian Çela: Ka cenuar funksionimin e shtetit ligjor

6 Tetor 2025, 21:57, Aktualitet CNA

Vrasja e gjyqtarit Kalaja/ Olsian Çela: Ka cenuar funksionimin e shtetit

Prokurori i Përgjithshëm, Olsian Çela ka reaguar lidhur me vrasjen e ndodhur ditën e sotme në Gjykatën e Apelit, ku u vra gjyqtari Astrit Kalaja.  Prokurori e ka cilësuar ngjarjen si shumë të rëndë ndërsa është shprehur se gjithashtu cënon thelbësisht funksionimin e shtetit ligjor.

Çela ka bërë thirrje që të gjithë të ndërgjegjësohen e të kontribuojnë për forcimin e sigurisë së magjistrateve. Ai ka kërkuar nga Prokuroria e Tiranës të kryejë një hetim të shpejtë dhe të plotë të ngjarjes në bashkëpunim më Policinë e Shtetit. 

Reagim i Prokurorit të Përgjithshëm për vrasjen e gjyqtarit Astrit Kalaja

Prokurori i Përgjithshëm e vlerëson si shumë të rëndë ngjarjen e ndodhur sot në ambientet e Gjykatës së Apelit të Juridiksionit të Përgjithshëm, Tiranë, e cila përveç se ka sjellë humbjen e jetës së një njeriu dhe plagosjen e dy të tjerëve, në të njëjtën kohë ka cenuar thelbësisht funksionimin e shtetit ligjor.

Prokurori i Përgjithshmëm i përcjell ngushëllimet familjes së gjyqtarit Astrit Kalaja dhe bën thirrje që të gjithë të ndërgjegjësohen e të kontribuojnë për forcimin e sigurisë së magjistrateve në të gjitha aspektet.

Prokurori i Përgjithshëm i ka kërkuar Prokurorisë pranë Gjykatës së Shkallës së Parë të Juridiksionit të Përgjithshëm, Tiranë, të kryejë një hetim të shpejtë dhe të plotë të ngjarjes në bashkëpunim me Policinë e Shtetit./CNA





Lajmet e fundit nga