web counter
LEXO PA REKLAMA!

SHKARKO APP

App Store
Google Play

“Nuk është puna se u vra një gjyqtar”/ Bushati: Sot ka marrë vulën që publiku thotë se drejtësia shitet e blihet

6 Tetor 2025, 21:38, Aktualitet CNA

“Nuk është puna se u vra një gjyqtar”/ Bushati: Sot

Analisti Andi Bushati e ka quajtur vrasjen e gjyqtarit Astrit Kalaja si një akt shumë të rëndë, por sipas tij thelbi është në një aspekt tjetër.

I ftuar në ‘Syri Tv’, Bushati u shpreh se kjo ngjarje i ka vënë vulën thënies së publikut se drejtësia në Shqipëri shitet dhe blihet.

Bushati shtoi se ngjarje të tilla dëmtojnë besimin e publikut te drejtësia.  

“Ne kemi 10 vjet këtu që flasim për reformën në drejtësi, drejtësia amerikane-evropiane, ishte histori suksesi apo ishte një dështim lapidar.

Në qoftë se do të kishte një datë gur themeli që do ta quanim të vdekur reformën në drejtësi, është pikërisht kjo: dita kur një gjyqtar vritet duke lexuar vendimin.

Dhe pse e them këtë... Sepse mbështeten vetëm tek një themel, tek besimi i publikut tek drejtësia. Tani, ai njeriu që ka marrë armën, nuk e di...ndoshta ai vendimi që do jepej kundër apo të ishte më i drejti i mundshmi, por në kokën e çdo qytetari shqiptar është ai mendimi: ky gjyqtari ka marrë lekë nga pala tjetër! Ore ky gjyqtar ma ka me hile! Sepse nga këto 10 vjet ne nuk kemi arritur të krijojmë iluzionin të besimit të publikut tek drejtësia.

Sot, një njeri kur shkon në gjyq thotë: Sa para kam për ta blerë...dhe nuk mendon nëse ka apo jo të drejtë. Dhe kur ndihet i pafuqishëm për të ndikuar mbi gjyqtarin, atëherë ose merr armën ose shkon në shtëpi si fatkeq. Por në këtë kuptim nuk është zgjidhje politike e momentit.. Pra, nuk është puna se sot u vra një gjyqtar. Sot ka marrë vulën që publiku thotë që drejtësia shitet e blihet.

Edhe sikur Edi Rama të largohet sot, dëmi që kanë bërë këto 10 vjet me këtë pseudo reformën në drejtësi, do ketë efekte dhe vrasje edhe në 50 vitet e ardhshme”,-tha Bushati./CNA





Lajmet e fundit nga