web counter
LEXO PA REKLAMA!

SHKARKO APP

App Store
Google Play

Vrasja e gjyqtarit/ Këlliçi: Akti më i rëndë i tranzicionit, meriton ndëshkim ekstrem

6 Tetor 2025, 18:30, Aktualitet CNA

Vrasja e gjyqtarit/ Këlliçi: Akti më i rëndë i

Deputeti demokrat, Belind Këlliçi ka reaguar pak minuta më parë lidhur me vrasjen e gjyqtarit Astrit Këlliçi.

Përmes një postimi në rrjetet sociale, Këlliçi shrpehet se ngjarja përbën aktin më të lartë tragjik dhe shkatërrimtar të tranzicionit.

Këlliçi shton se akti i rëndë meriton një ndërshim ekstrem.

 “Vrasja e sotme e gjyqtarit të Apelit, z. Astrit Kalaja, është padyshim një ndër aktet më të rënda të tranzicionit, tragjik dhe shkatërrimtar për frymën e zbatimit të ligjit dhe paqen sociale në vend.

Si deputet i Kuvendit, organit më të lartë ligjvënës, si politikan i angazhuar por edhe si qytetar i thjeshtë, nuk mund të mos shpreh shqetësimin për klimën e rënduar, gjuhën e urrejtjes ndaj gjyqtarëve, linçimin publik që shpesh ka ardhur nga pushteti me në krye kryeministrin e vendit, në dëm të magjistratëve.

Pushtet i cili pas “farsës” zgjedhore, e ka rënduar akoma më shumë konfliktin social, sidomos në çështjen e pazgjidhur të pronës dhe dramat që ajo prodhon.

Duke i shprehur ngushëllimet më të sinqerta familjarëve të gjyqtarit të ndjerë, i bëj thirrje të gjithë faktorit politik, medias, shoqërisë civile që të bashkohen në mbrojtje të njerëzve të ligjit, në një moment kritik të shtetit tonë.

Akti i sotëm meriton ndëshkim ekstrem!”,-shprehet Këlliçi./CNA

 





Lajmet e fundit nga