web counter
LEXO PA REKLAMA!

SHKARKO APP

Vrasja e gjyqtarit/ Koçiu: Ligjërisht, policia nuk ka përgjegjësi për kontrollin dhe sigurinë e godinave të gjykatave

6 Tetor 2025, 18:11, Aktualitet CNA

Vrasja e gjyqtarit/ Koçiu: Ligjërisht, policia nuk ka

Ministrja e Punëve të Brendshme, Albana Koçiu ka reaguar pas vrasjes së gjyqtarit Astrit Kalaja.

Përmes një deklarate, Koçiu shpreh tronditjen për lajmin e rëndë dhe dënon me forcë këtë akt barbar dhune.

Koçiu shton edhe një sqarim për opinionin publik se bazuar në ligj, forcart e Policisë së Shtetit nuk kanë asnjë përgjegjësi për kontrollin e hyrje-daljeve dhe sigurinë brenda godinave të gjykatave.

“Thellësisht e tronditur nga lajmi i rëndë i vrasjes së gjyqtarit të Gjykatës së Apelit në Tiranë, Astrit Kalaja, dhe plagosja e dy qytetarëve, brenda sallës së gjykatës.

Dënoj me forcë këtë akt barbar dhune dhe shpreh ngushëllimet më të sinqerta për familjen e viktimës, kolegët e tij, duke u uruar shërim të shpejtë të lënduarve.

Forcat e Policisë së Shtetit - të cilat duhet sqaruar për opinionin publik se në bazë të ligjit nuk kanë asnjë përgjegjësi për kontrollin e hyrje-daljeve dhe sigurinë brenda godinave të gjykatave - kanë ndërhyrë menjëherë në vendngjarje.

Autori është ndaluar menjëherë dhe kemi angazhuar ekspertët më të mirë për të kqyrur në bashkëpunim me prokurorët, përmbushjen e detyrave të ligjit nga ana e punonjësve të sigurisë të gjykatës”,-shrprehet Koçiu./CNA

 

 





Lajmet e fundit nga