web counter
LEXO PA REKLAMA!

SHKARKO APP

App Store
Google Play

Vrasja e gjyqtarit/ Reagon Dhoma e Avokatisë: Thirrje alarmi për sigurinë e punonjësve të institucioneve të drejtësisë

6 Tetor 2025, 18:06, Aktualitet CNA

Vrasja e gjyqtarit/ Reagon Dhoma e Avokatisë: Thirrje alarmi për

Dhoma e Avokatisë së Shqipërisë ka reaguar pak çaste më parë lidhur me vrasjen e gjyqtarit Astrit Kalaja.

Përmes një deklarate nga kryetari, Maksim Haxhia, shprehet tronditja e thellë nga ngjarja e nodhur brenda ambienteve të Gjykatës së Apelit.

Në reagim theksohet se kjo ngjarje është një shenjë alarmi për sigurinë e punonjësve të institucioneve të drejtësisë.

Reagimi i Dhomës së Avokatisë

Të tronditur thellësisht nga ngjarja tragjike, lidhur me vrasjen në ambientet e gjykatës të gjyqtarit të Gjykatës së Apelit të Juridiksionit të Përgjithshëm, kolegut dhe mikut tonë, Astrit Kalaja, trupa e avokatëve i përcjell familjes ngushëllimet më të thella.

Kjo ngjarje përbën jo vetëm një humbje të rëndë personale për komunitetin juridik, por edhe një goditje të rëndë ndaj gjithë sistemit të drejtësisë dhe shtetit të së drejtës.

Ngjarja duhet të shërbejë si një thirrje alarmi për garantimin e sigurisë, në radhë të parë të jetës dhe shëndetit të gjyqtarëve, prokurorëve dhe avokatëve, si dhe për të reflektuar mbi domosdoshmërinë e forcimit të masave mbrojtëse në institucionet e drejtësisë.

Njëkohësisht, kjo është edhe një thirrje për gjithë trupën avokuese që të thellojë përpjekjet në ndërgjegjësimin e palëve në proceset penale, civile dhe administrative, në lidhje me të drejtat që u takojnë ligjërisht, si dhe për të ndërtuar pritshmëri realiste ndaj drejtësisë dhe funksionimit të saj.

Kryetari





Lajmet e fundit nga