web counter
LEXO PA REKLAMA!

SHKARKO APP

App Store
Google Play

Reagon OSBE pas vrasjes së gjyqtarit: Të vendoset drejtësi përmes procesit të shpejtë ligjor

6 Tetor 2025, 17:21, Aktualitet CNA

Reagon OSBE pas vrasjes së gjyqtarit: Të vendoset drejtësi

Prezenca e OSBE-së në Shqipëri ka reaguar pak minuta më parë lidhur me vrasjen e gjyqtarit Astrit Kalaja.

Përmes në postimi në rrjetet sociale, OSBE shpreh tronditjen e thellë pas të shtënave me armë brenda Gjykatës së Apelit në Tiranë që i mori jetën gjyqtarit dhe plagosën dy persona të tjerë.

OSBE dënon me forcë aktin dhe sulmet ndaj gjyqtarëve, duke bërë thirrje që të vendoset drejtësi përmes një procesi ligjor të plotë e të shpejtë.

“Jemi thellësisht të tronditur dhe të hidhëruar nga të shtënat me armë brenda Gjykatës së Apelit në Tiranë, që i morën jetën gjyqtarit Astrit Kalaja dhe plagosën dy persona të tjerë.

I shprehim ngushëllimet tona familjes dhe kolegëve të gjyqtarit Kalaja dhe u urojmë shërim të shpejtë të plagosurve.

Prezenca e OSBE-së në Shqipëri dënon me forcë këtë akt të dhunshëm. Sulmet kundër gjyqtarëve janë sulme të drejtpërdrejta ndaj shtetit të së drejtës dhe institucioneve demokratike.

Ndërsa rrethanat e plota të sulmit janë ende nën hetim, ne mirëpresim arrestimin e shpejtë të autorit të dyshuar dhe theksojmë rëndësinë e garantimit të vendosjes së drejtësisë përmes një procesi ligjor të plotë e të shpejtë.

Prezenca solidarizohet me komunitetin gjyqësor të Shqipërisë dhe mbetet e përkushtuar të mbështesë përpjekjet që forcojnë sigurinë dhe pavarësinë e sistemit gjyqësor”,-thuhet në njoftim./CNA





Lajmet e fundit nga