web counter
LEXO PA REKLAMA!

SHKARKO APP

App Store
Google Play

Diktatori Enver Hoxha në listën e personaliteteve të tetorit/ Ndregjoni: Akti i fundit që kishte ngelur pa realizuar nga Rilindja Komuniste

6 Tetor 2025, 17:51, Aktualitet CNA

Diktatori Enver Hoxha në listën e personaliteteve të tetorit/

Kryetari i ish-të Përndjekurve Politikë, Besim Ndregjoni ka komentuar përfshirjen e emrit të diktatorit Enver Hoxha në listën e personaliteteve të muajit tetor.

Ndregjoni shprehet se ky ishte akti i fundit që kishte mbetur pa u bërë nga Partia Socialiste, të cilës i referohet si “Rilindja Komuniste”. Më tej shton se këtë e realizoi sot me Institutin Parlamentar në Kuvend, të cilin e cilëson si "Instituti Marksist-leninist".

Postimi i plotë

Akti i fundit që kishte ngelur pa realizuar Rilindja komuniste e Partisë socialiste ishte rehabilitimi i diktatorit Enver Hoxha, dhe këtë e realizoi sot me Inistitutin Parlamentar alias Instituti Marksist-leninist pranë Kuvendit të Shqipërisë. Shqiptarë gëzohuni se na erdhi Diktatori E.H.

Diktatori Enver Hoxha është listuar përkrah emrave të tjerë si Sulejman Delvina, Ahmet Zogu(Mbreti Zog I), Migjeni, Dritëro Agolli dhe Naim Frashëri.

“HOXHA Enver (16 tetor 1908-11 prill 1985). Udhëheqës i Partisë Komuniste dhe më pas i Partisë së Punës të Shqipërisë. Udhëhoqi Luftën ANÇ dhe drejtoi shtetin shqiptar pas luftës. Pas çlirimit u zgjodh deputet në të gjitha legjislaturat dhe anëtar i Presidiumit të Kuvendit Popullor. Hero i Popullit, Hero i Punës Socialiste etj.”, thuhet në përshkrimin krahas emrit të diktatorit./CNA





Lajmet e fundit nga