web counter
LEXO PA REKLAMA!

SHKARKO APP

App Store
Google Play

Vrasja në Gjykatën e Apelit/ Gazetarja Lala: Ekzekutori ishte Elvis Shkambi, frymëzuesi ishte politika

6 Tetor 2025, 21:35, Aktualitet CNA

Vrasja në Gjykatën e Apelit/ Gazetarja Lala: Ekzekutori ishte Elvis

Gazetarja Klodiana Lala është shprehur se gjendja e të plagosurve në Gjykatën e Apelit është e stabilizuar. Lala ka theksuar në "Log" se ekzekutori i gjyqtarit Astrit Kalaja ishte Elvis Shkambi por sipas saj, frymëzues i veprimit të tij ishte politika.

Ajo shtoi se në momentin që krerët më të lartë të shtetit dalin dhe sulmojnë gjyqtarë apo prokurorë, autoriteti dhe identiteti i këtyre të fundit zhbëhet dhe bëhen vulnerabël. 

"Kam folur me mjekët e spitalit dhe gjendja e të plagosurve është e stabilizuar.Më shqetëson fakti që shoqëria shqiptare përplaset prej më shumë se tre dekadash për prona. Kjo duhet të ishte zgjidhur. Ekzekutori është Elvis Shkambi. Por frymëzuesi është politika. Politika e ka bërë gjyqtarin qenie pa identitet apo autoritet. Në asnjë vend të botës nuk guxon ti drejtohesh gjyqtarit apo të fyesh autoritetin e tij.

Ideja është që në momentin që del kryeministri i vendit dhe shënjestron pafundësisht gjyqtarë me emër dhe mbiemër të Gjykatës Administrative. Në momentin që të del ish-presidenti dhe thotë se unë i thyej kokën prokurorit ose gjyqtarit. Në momentin që del ish-kryeministri, zoti Berisha dhe nxjerr dhe listën e martesave të gjyqtares. Për mua nuk kanë më asnjë moral dhe nuk mund të bëhet gjyqtari vulnerabël. E kanë zhbërë autoritetin e gjyqtarit.", tha gazetarja./CNA





Lajmet e fundit nga