web counter
LEXO PA REKLAMA!

SHKARKO APP

Konflikti që çoi në vrasjen e gjyqtarit Kalaja/ Gazetari zbardh ngjarjen, ja si nisi çështja në Shkodër

6 Tetor 2025, 22:07, Aktualitet CNA

Konflikti që çoi në vrasjen e gjyqtarit Kalaja/ Gazetari zbardh

Gazetari Ferdinand Dervishi ka zbradhur detaje nga ngjarja e sotme me vrasjen e gjyqtarit Astrit Kalaja.

Në një emision televiziv, Dervishi tregoi se problemi ka nisur në vitin 1992 pas një vendimi nga Këshilli Bashkiak i Shkodrës.

Gazetari tha se më këtë dosje janë marrë rreth 30 gjyqtarë derisa çështja kaloi në Apelin e Tiranës, ku ndodhi edhe krimi brenda sallës së gjyqit.

“Në vitin 1992, vendimi i Këshillit Bashkiak Shkodër për persona të pastrehë u ka dhënë 31 personave hyrje. Kur ka qenë Lorenc Luka kryetar. Më pas ky njeri, Gjon Shkambi, ka thënë e kam pronën të trashëguar dhe e fiton. Më pas këta thonë nuk je shkodran dhe këto janë të falsifikuar.

Lorenc Luka thotë të privatizohet godina. Në 2012, futet në lojë përmbarimi dhe i kthen Shkambit 2 banesa bosh. Të tjerët fillojnë luftën. Në të gjithë këtë histori, janë 23 vjet. Janë rreth 30 gjyqtarë që janë marrë me këtë punë dhe e kanë lënë këtë ngjarje të vejë këtu ku shkoi.

Sigurisht ka një problem, këta njerëz, nuk mund të japësh një vendim, pa zgjidhur problemin e 31 familjeve, sepse është pjesa njerëzore.

Ndërkohë kemi një djalë të ri që rritet me idenë, do të marrim këto shtëpi, do të shesim dhe do të bëjmë para, ka këtë ëndërr që i thyhet. Pushkën nuk ia ka drejtuar gjykatësit, por shtetit dhe drejtësisë”,- tha Dervishi./CNA

 





Lajmet e fundit nga