web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e gjyqtarit/ Sula: Tragjedi e madhe, politika ka ushqyer dhunë dhe mosbesim ndaj drejtësisë

6 Tetor 2025, 22:32, Aktualitet CNA

 Vrasja e gjyqtarit/ Sula: Tragjedi e madhe, politika ka ushqyer dhunë dhe

Ish-deputeti i Partisë Demokratike, Dashnor Sula e cilësoi sot vrasjen e gjyqtarit Astrit Kalaja si një tragjedi të madhe për shoqërinë, por edhe për punonjësit në sistemin e drejtësisë.

I ftuar në A2CNN, Sula u shpreh se një pjesë të madhe të fajit për ngjarje të tilla e ka edhe politika, që sipas tij ka ushqyer një klimë dhune dhe mosbesimi ndaj drejtëisë.

“Shpreh ngushëllimet më të sinqerta për familjen e gjyqtarit që humbi jetën në krye të detyrës. Kjo është një tragjedi e madhe. Por më shqetëson mënyra se si politika mundohet ta kompromentojë ngjarjen, me lot krokodili dhe me fajësime të ndërsjella.

Për sa kohë që ambienti politik është i kontaminuar, njerëzit me prirje kriminale ose të çrregullta ndihen të frymëzuar për të kryer krime të tilla. Politikanët kanë ushqyer këtë klimë me fjalorin dhe sulmet e tyre ndaj drejtësisë.

Që nga viti 1992 kemi parë prokurorë e gjyqtarë të larguar ose të sulmuar pse nuk ndiqnin urdhrat e politikës. Nuk mund të harrojmë termat si ‘lavire bulevardi’, të përdorur nga politikanë të lartë për të sulmuar drejtësinë. Kjo nuk ndodh në një shtet normal.

Në periudhën 2007–2012 kemi parë gjyqtarë që paguanin 300 apo 500 mijë euro për t’u emëruar në Gjykatën e Lartë apo në Kushtetuese. Politika ka përdorur dhe keqpërdorur drejtësinë për interesa të veta dhe të bandave kriminale”,-tha Sula./CNA

 





Lajmet e fundit nga