E fundit!

20:35 Politikë

Rama për projektin e Zvërnecit: Do të jetë krenari për Shqipërinë dhe për Europën

Kryeministri Edi Rama në konferencën ndërqeveritare është ...

VIDEO/ Veliaj masakron pyllin mbrapa Kopshtit Zoologjik, fadroma hap sheshet për ndërtim

8 Korrik 2024, 12:48, Aktualitet CNA

Fotomontazh/ Erion Veliaj dhe pamje nga pylli mbrapa Kopshtit Zoologjik

Kreu i Bashkisë së Tiranës, Erion Veliaj, po shkatërron edhe ato pak zona të gjelbëruara dhe të pyllëzuara në Tiranë.

Kryebashkiaku, i cili erdhi në krye të bashkisë me premtimet për pyll orbital, që në fakt nuk ekziston, tani fut fadromën në pyllin pas Kopshtit Zoologjik.

Zdromsi, që deklaron se s'ka leje te Kopshti Zoologjik, është thjesht një mashtrues publik, pasi videoja flet krejt të kundërtën. Veliaj vazhdon misionin e betonizimit duke shpyllëzuar zonën me qëllim për të hapur sheshe ndërtimi.

Gjithçka duket qartë në videon e mëposhtme të siguruar nga CNA, ku shfaqet një fadromë, e cila është futur mespërmes pyllit që ndodhet prapa Kopshtit Zoologjik në kryeqytet.

Mes zonës së gjelbëruar fadroma po punon duke "masakruar" një nga zonat më të gjelbra që i ka mbetur Tiranës.

Me këto veprime po zhduket pylli dhe në të po krijohen masive të mëdha me dhera.

Me qeverisjen e Veliajt, Tirana është kthyer në një kantier betoni duke shkatërruar edhe ndonjë zonë të gjelbëruar apo pyllëzuar që i ka shpëtuar masakrës mjedisore "Veliaj".

Tirana është rrethuar dhe mbushur me pallate, duke u kthyer kështu nga "një pyll orbital" i premtuar nga Veliaj, në një "pyll betoni".

Kjo video konfirmon edhe njëherë që Erion Veliaj do të hyjë në histori si njeriu që betonizoi çdo cep Tiranën, duke ua bërë të pamundurën jetën qytetarëve.

Kujtojmë që pak muaj më parë, një raport i Bankës Botërore mbi gjendjen e ekonomive të Ballkanit Perëndimor, rrëzoi përfundimisht tezën e Tiranës së gjelbër dhe 2 milionë pemëve duke e ekspozuar atë si një nga mashtrimet më të mëdha publike.

Sipas BB, në 7 vitet e fundit Tirana jo vetëm që nuk është bërë më e gjelbër, por përkundrazi ka shënuar reduktim të sipërfaqeve të gjelbra.

Miliona pemë të "mbjella" nga Veliaj në Tiranë, jo që nuk ekzistojnë, por betonizimi është e vërteta e hidhur./CNA