LEXO PA REKLAMA!

SHKARKO APP

Video/ Rama pritet me ceremoni shtetërore nga kryeministrja Meloni

27 Shtator 2023, 18:27, Aktualitet CNA

Video/ Rama pritet me ceremoni shtetërore nga kryeministrja Meloni

Kryeministri Edi Rama u mikprit sot nga Kryeministrja e Republikës së Italisë Giorgia Meloni, në kuadër të vizitës së nivelit të lartë, që po zhvillon në Itali. 

Video/ Rama pritet me ceremoni shtetërore nga kryeministrja Meloni

Takimi kokë me kokë i Kryeministrit Rama dhe homologes italiane Meloni në Palazzo Chigi, u pasua nga një takim i përbashkët mes dy delegacioneve respektive.

Video/ Rama pritet me ceremoni shtetërore nga kryeministrja Meloni

Miqësia tradicionale Shqipëri - Itali dhe vullneti për të thelluar bashkëpunimin e shkëlqyer mes dy vendeve, u rikonfirmua njëzëri edhe në këtë takim.

Forcimi i mëtejshëm i marrëdhënieve në fushën ekonomike, ishte një tjetër temë e diskutuar gjerësisht në takim, ku Italia si partnere strategjike e Shqipërisë, ka një rol tejet të rëndësishëm në këtë drejtim edhe përmes prezencës gjithnjë në rritje të sipërmarrjeve italiane në vendin tone.

Video/ Rama pritet me ceremoni shtetërore nga kryeministrja Meloni

Gjithashtu, gjatë takimit u diskutua mbi mundësitë e investimit që ofron Shqipëria në shumë sektorë potenciale, si energjia, infrastruktura, bujqësia, e veçanërisht turizmi, i cili këtë vit shënoi një rekord të vërtetë rritjeje, duke u kthyer në një nga fushat më atraktive për investime.

Sa i përket integrimit europian të Shqipërisë, në takim u theksua se Italia do të vijojë të mbështesë fuqishëm procesin, në të gjitha etapat e tij, ashtu si deri më tani.

Po ditën e sotme u zhvillua dhe  takimi i dytë i Komitetit të Përbashkët për Investimet, Çështjet Ekonomike dhe Sociale, Shqipëri-Itali.

Pas takimit  Komitetit të Përbashkët për Investimet, Çështjet Ekonomike dhe Sociale, Shqipëri-Itali, kryeministri Edi Rama ka zhvilluar konferencë të përbashkët për shtyp me Zv/Kryeministrin dhe Ministrin e Jashtëm italian, Antonio Tajani./ CNA

 

Lajmet e fundit nga