LEXO PA REKLAMA!

SHKARKO APP

Arrestohet ‘skifteri’ i mitur/ Në 2 muaj vodhi 4 makina, bashkë me 2 fëmijë të tjerë

27 Shtator 2023, 14:18, Aktualitet CNA
Arrestohet ‘skifteri’ i mitur/ Në 2 muaj vodhi 4 makina,
Foto ilustruese

Një 14-vjeçar ka rënë në prangat e policisë pasi u kap në flagrancë teksa largohej me një automjet që sapo kishte vjedhur.

Automjeti u vodh në lagjen “11 Janari”, por policia ndërhyri në kohë dhe kapi në flagrancë 14-vjeçarin, ndërkohë që po largohej me automjetin.

Nga veprimet hetimore të kryera rezultoi se ky shtetas, në bashkëpunim me 2 të mitur të tjerë (të proceduar penalisht më parë, në gjendje të lirë), ka vjedhur gjatë periudhës gusht-shtator 2023, dhe 3 automjete.

Me cilësinë e provës materiale janë sekuestruar 4 automjetet e vjedhura.

Veprimet procedurale me 14-vjeçarin janë kryer në prani të avokatit, psikologut, punonjëses së NJMF-së dhe kujdestarit ligjor të 14-vjeçarit.

Vijojnë hetimet për të zbardhur vjedhje të tjera që mund të kenë kryer këta të mitur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme./ CNA

Lajmet e fundit nga