web counter
LEXO PA REKLAMA!

SHKARKO APP

App Store
Google Play

“Shkelje flagrante në Cens 2023”, Dule thirrje INSTAT-it: Ndërhyni te regjistruesit, të shpëtojë procesi

27 Shtator 2023, 11:17, Aktualitet CNA

“Shkelje flagrante në Cens 2023”, Dule thirrje INSTAT-it:

Kryetari i PBDNJ, Vangjel Dule, në një deklaratë për mediat ka denoncuar shkelje lidhur me Censin 2023 që po zhvillohet.

Dule kërkoi nga qytetarët që të insistojnë të deklarojnë nëse është vullneti i tyre përkatësia fetare dhe gjuha amëtare.

Gjithashtu ai i bëri thirrje INSTAT të ndërhyjë te regjistruesi që të shpëtojë procesin që të shmangen aspektet negative që dhe Censi 2023 të mos jetë i dështuar sa i përket regjistrimit të komuniteteve etnike e fetare në vend.

“Ka pasur shkelje flagrante në Censin 2023. Kemi dhe raste si në Sarandë që kur kërkoi të regjistrohet etnia e tij greke u pyet nëse ishte i sigurt sepse kishte biznes sepse kishte prona dhe pasi insistoi u regjistrua gjuha e besimi në fjalë. Ka rast tjetër ku, Vasil Kraj, ku regjistruesi po regjistronte të atin e tij regjistruesi mohonte të regjistronte pjesëtar familje duke thënë se nuk është këtu. Kemi të bëjmë me shkelje flagrante të cilat janë shoqëruar javët e fundit dhe me një retorikë nacionaliste në shumë media duke ngritur kërcënime hipotetike. Është për të ardhur keq që dhe zyrtarë të lartë shtetërorë apo nëpunës të administratës vënë në pah shqetësime të tilla. Dua t'u drejtohem qytetarëve të insistojnë të deklarojnë nëse është vullneti i tyre përkatësia fetare dhe gjuha amëtare. INSTAT të ndërhyjë te regjistruesi që të shpëtojë procesin. Të shmangen aspektet negative që dhe Censi 2023 të mos jetë i dështuar sa i përket regjistrimit të komuniteteve etnike e fetare në vend."

Ai u shpreh se për çdo denoncim të bërë ka fakte, emra dhe mbiemra ku ka ndodhur./ CNA





Lajmet e fundit nga