web counter
LEXO PA REKLAMA!

SHKARKO APP

App Store
Google Play

Nis Censi i Popullsisë dhe Banesave/ Gjobë deri në 100 mijë për ata që s'përgjigjen apo gënjejnë

18 Shtator 2023, 10:03, Aktualitet CNA

Nis Censi i Popullsisë dhe Banesave/ Gjobë deri në 100 mijë

Të hënën më 18 shtator ka nisur Censi i Popullsisë dhe Banesave, proces që do të drejtohet nga INSTAT.  Mbi 7 mijë e 500 anketues, mbikëqyrës dhe kontrollorë të trajnuar nga Instituti i Statistikave janë angazhuar për numërimin e të gjithë popullsisë dhe banesave dhe të dhënat do të mblidhen në 6 javë. Pritet që rezultatet e këtij censi të bëhen publike në 30 qershor të 2024. 

Pak ditë më parë, kryeministri Edi Rama gjatë fjalës së tij në konferencën për nisjen e Censit të Popullsisë dhe Banesave tha se për këtë nismë të re qeveria shqiptare do të marrë fonde edhe nga Bashkimi Evropian. 

Ky është censi i 12-të në historinë e Shqipërisë, i cili vjen 100 vjet pas censit të parë, zhvilluar në vitin 1923. Nëpërmjet këtij procesi do të kemi një numër të saktë të popullsisë dhe banesave. Kostoja totale e këtij procesi parashikohet të shkojë 16.9 milionë euro.

Procesi:

Nëse një qytetar refuzon të bëhet pjesë e censit të popullsisë apo gënjen për të dhënat, parashikohen penalitete, që variojnë nga 50 deri në 100 mijë lekë. Do të numërohen të gjithë personat e familjes dhe nëse është mbi 18 vjeç do u përgjigjet vetë pyetjeve të formularit të hartuar nga INSTAT. 

Anketuesit do të pyesin mbi informacione personale, arsimin, gjendjen shëndetësore, punësimin dhe elementë të tjerë të jetesës. Gjithashtu, Censi përfshin pyetje rreth etnisë, besimit fetar dhe gjuhës. Pyetësorët janë me tetë module dhe 100 pyetje.

Anketuesi mban përsipër të hedhë të dhënat në tabletë dhe t’ia dërgojë INSTAT-it elektronikisht.

Nis Censi i Popullsisë dhe Banesave/ Gjobë deri në 100 mijë
Formulari online

 





Lajmet e fundit nga