web counter
LEXO PA REKLAMA!

SHKARKO APP

App Store
Google Play

E fundit!

x

Rrëfimi i trishtë i Vanesës/ “Njerka më keqtrajtonte, babai më hoqi nga shkolla dhe më çoi në punë”

17 Shtator 2023, 21:00, Aktualitet CNA

Rrëfimi i trishtë i Vanesës/ “Njerka më keqtrajtonte,

Vanesa është e reja që tregoi historinë e saj këtë të dielë në “Ka Një Mesazh Për Ty”.

Ajo tregoi se prindërit e saj u divorcuan dhe në moshën 7-vjeçare shkoi të jetonte me babin e saj në Greqi, i cili ishte martuar për herë të tretë.

E reja tha se njerka e saj e keqtrajtonte, pasi ishte shumë xheloze.

“Me thënë të drejtën, gruaja e vet nuk është se më donte. Ishte shumë xheloze, agresive edhe pak e frikshme se unë isha edhe fëmijë, isha 10 vjeç. Kam ndenjur një vit te hallat, te xhajat derisa m’u bë aplikimi i vizës për në Greqi. Shkoj aty në shtëpi, shoh njerkën, e takoj. Nuk është se më dha ndonjë ngrohtësi ose ndonjë lloj afrimiteti, por ka qenë edhe shumë e keqe. Domethënë mua më ka keqtrajtuar shumë.

S’më linte asnjëherë të rrija me fëmijët e saj. Ishte shumë xheloze në shumë gjëra. Duhet të çohesha në mëngjes të bëja punët e shtëpisë se s’bën përpara se të shkoja në shkollë, në Greqi. Duhet ta bëja bukën vetë dhe të shkoja në shkollë edhe kështu, vetëm me frikë jetoja aty. Ikte babi, më nxirrte jashtë, borë, shi nuk kishte lidhje ajo pjesë, thjesht dilja jashtë. Kur vinte babi më thoshte “mos i trego babit se kemi muhabete të tjera bashkë”, kështu gjërash, kupton, si presion. Kam qenë edhe e vogël dhe kam pasur shumë frikë, madje kur ajo kalonte unë thjesht ulja kokën. E kam pasur si tip… si frikë shumë të madhe”, rrëfeu ajo.

Në moshën 14-vjeçare, tashmë e kthyer në Shqipëri, Vanesa tregoi se babai e hoqi nga shkolla me pretekstin se nuk kishte mundësi ekonomike dhe e dërgojnë të punojë.

“Ia nis punës. Si fillim në rrobaqepësi. Shkoj aty por nuk po mundesha ta merrja si punë, të punoja, nuk po e kapja dot si punë dhe kështu që shkoj në një fabrikë petash. Fabrikë… ishte si tip shtëpie e vogël dhe kishte punëtorë që piqnin petat, bënin petat gati e kështu gjërash. Thjesht i piqnim petat, nuk është se bënim byrek.

Vazhdoj aty punën, çdo pagesë që merrja e çoja në shtëpi, unë jetoja në kat të dytë, gruaja me fëmijët jetonte në kat të parë, asnjëherë nuk lidhesha me ta që të rrija në një vend me ata.

 Unë kam qenë 14 kur ia nisa punës, domethënë sa kam ardhur në Shijak aty ia nisa direkt punës. 8-10 orë kam punuar. E kam pasur njëmijë (100) Lekë orën, çohesha në orën 5:30-6 të mëngjesit dhe vija pasdite në shtëpi në këmbë, shkoja në këmbë, vija në këmbë”, rrëfeu e reja./ CNA





Lajmet e fundit nga