web counter
LEXO PA REKLAMA!

SHKARKO APP

App Store
Google Play

E fundit!

x

Vihet në pranga ‘skifteri’ në Tiranë/ I vodhi të resë aksesorë floriri në banesë

17 Shtator 2023, 09:58, Aktualitet CNA

Vihet në pranga ‘skifteri’ në Tiranë/ I vodhi të

Një 31-vjeçar është vënë në prangat e policisë pasi akuzohet se ka vjedhur sende me vlerë në një banesë.

Kapja e tij u bë falë operacionit policor të koduar "Rings".

Ishte një 33-vjeçare, e cila bëri kallëzim në polici për vjedhjen e sendeve me vlerë në banesën e saj.

I arrestuari është shtetasi E. A., 31 vjeç, banues në Tiranë, dhe mbi të rëndojnë veprat "Vjedhja", "Prodhimi dhe shitja e narkotikëve", dhe "Prodhimi, mbajtja, blerja apo shitja pa leje e armëve të ftohta".

31-vjeçari dyshohet se ka vjedhur sende me vlerë (aksesorë floriri) në një banesë në zonën e Unazës së Re, të cilat më pas i ka shitur në një argjendari në Rrugën e Dibrës.

Në vijim të veprimeve, gjatë kontrollit të banesës së autorit të dyshuar, shërbimet e Policisë, gjetën sasi lënde të dyshuara narkotike, kanabis dhe kokainë, dy peshore elektrike, qese farmaceutike që shërbejnë për ndarjen e lëndëve narkotike në doza, një grirëse për lëndë narkotike, tre maska, si dhe katër shkopinj bejsbolli, të cilat u sekuestruan në cilësinë e provës materiale, së bashku me aksesorët e vjedhur.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale./ CNA





Lajmet e fundit nga