web counter
LEXO PA REKLAMA!

SHKARKO APP

App Store
Google Play

E fundit!

x

Fatos Nano feston ditëlindjen/ Ja sa vjeç mbush ish-kryeministri i Shqipërisë

16 Shtator 2023, 13:00, Aktualitet CNA
Fatos Nano feston ditëlindjen/ Ja sa vjeç mbush ish-kryeministri i
Fatos Nano, ish kryeminister

Ish-kryeministri dhe lideri historik i Partisë Socialiste, Fatos Nano feston sot 71 vjetorin e tij të lindjes.

Ish kryeministri Fatos Nano gjendet i shtruar në spital pas komplikacioneve shëndetësore në mushkëri.

Ai vijon të jetë i shtruar në spital që prej 29 Gushtit , por raportohet se është në gjendje të mirë shëndetësore.

Kujtojmë se Fatos Nano ka qenë tre herë kryeministër i Shqipërisë dhe për 14 vjet e 1 muaj kryetar i Partisë Socialiste.

Fatos Nano e filloi karrierën politike në vitin 1991 pasi u zgjodh sekretar i Këshillit të Ministrave dhe më pas Kryeministër në Qeverinë e Tranzicionit, që u ngrit me qëllim përgatitjen e vendit për tranzicionin drejt një ekonomie tregu dhe sistemi demokratik. Po atë vit ai u zgjodh kryetar i Partisë Socialiste.

Për 5 vite, nga marsi 1992 deri në mars 1997 Nano qëndroi në burg me akuzën për korrupsion dhe abuzim detyre nga gjykata.

Fatos Nano u zgjodh si kryeministër pas fitores së PS-së në zgjedhjet e parakohshme të vitit 1997, por në shtator të vitit 1998 u dorëhoq pas vrasjes së ish-themeluesit të PD-së, Azem Hajdari.

Nano u bë sërish Kryeministër në korrik 2002. Në 3 korrik 2005 Partia Socialiste humbi zgjedhjet dhe shumicën në Parlament. Më 1 shtator 2005 Fatos Nano dha dorëheqjen si kryetar i Partise Socialiste duke dalë përfundimisht nga politika aktive.

Ai u mundua të rikthehej në garën për president 2007, por nuk pati mbështetjen e pasardhësit të tij në krye të PS-së, Edi Rama. Shumica e deputetëve të opozitës të drejtuar nga Partia Socialiste nuk e përkrahën kandidaturën e tij dhe bojkotuan zgjedhjen e presidentit.

Si deputet i parlamentit shqiptar, Nano ka shërbyer zonën e Kuçovës, Tepelenës dhe Sarandës./ CNA

 





Lajmet e fundit nga