web counter
LEXO PA REKLAMA!

SHKARKO APP

App Store
Google Play

Vuajtjet me ish-bashkëshortin 15 vjet më të madh/ Vanesa: Laja këmbët e vjehërrve, burri më keqtrajtonte

17 Shtator 2023, 21:38, Aktualitet CNA

Vuajtjet me ish-bashkëshortin 15 vjet më të madh/ Vanesa: Laja

Vanesa, një vajzë e cila është përballur me keqtrajtimet e njerkës, tregoi këtë të dielë vuajtjet që ka kaluar kur ka qenë e vogël.

Ajo tha në rubrikën “Ka një mesazh për ty” se përveç sjelljes së keqe të njerkës, i duhej të punonte deri në 10 orë në ditë për shkak se babai e hoqi nga shkolla.

Ende pa mbushur 15 vjeç, e reja tregoi se vendosi të pranojë kërkesën e një lajmëtari për martesë, si shpëtim nga keqtrajtimi në familje.

Por, Vanesa rrëfeu se vuajtjet e saj nuk përfunduan, pasi bashkëshorti ishte bixhozxhi, pijanec dhe dhunues.

“Shkoj te ajo familje në krye të 4 ditëve, domethënë bëhet ajo adeti, vjen në shtëpi, vë unazën… Bashkëshorti ishte 15 vjet më i madh se unë. Kishte pasur një martesë më përpara.

Jetonte në një fshat, në një fshat shumë të humbur që atje mund të ishin 5 shtëpi. “Rruga e Zhavorrit” quhet vendi aty dhe atje kalova shumë keq. Çohesha në mëngjes, në orën 5 e gjysmë se normale fshat, lopë, pula, toka, punët e fshatit si me thënë. Aty mësova shumë gjëra nga jeta, madje u bëra më e fortë akoma, u bëra më grua sepse zgjohesha në mëngjes, laja këmbët e vjehrrit, të vjehrrës, iu bëja kafenë, bëja gati qumështin sepse vjehrri dilte, shiste qumësht, spinaq, këto gjërat jeshile. I bëja gati me vjehrrën. Shkoja bëja bukën, bëja gati bukën, bëja gjellën, bëja punët e shtëpisë, laja, shpëlaja ish-bashkëshortin. Ai nuk punonte, ai thjesht dinte që të dilte për qejfet e veta, të dehej, të luante bixhoz, të vinte në orën 3-4 të mëngjesit dhe të haja unë dhunën e tij. Më keqtrajtonte shumë, nuk më lironte fare, nuk kishte shans”, theksoi ajo.

Vanesa nënvizoi se ashtu si në situatat me njerkën kur nuk kishte gjetur mbështetje, as në këtë rast babai nuk i doli në krah./ CNA





Lajmet e fundit nga