web counter
LEXO PA REKLAMA!

SHKARKO APP

App Store
Google Play

E fundit!

x

U konfliktua fizikisht me këshilltarin bashkiak në Pogradec/ Arrestohet 27-vjeçari

10 Nëntor 2025, 19:47, Aktualitet CNA
U konfliktua fizikisht me këshilltarin bashkiak në Pogradec/
Kevi Muçllari

Policia e Pogradecit ka arrestuar 27-vjeçarin, Kevi Muçllari, qytetarin i cili u konfrontua fizikisht ditën e sotme me këshilltarin bashkiak Engjëll Shyti.

Në njoftimin e policisë thuhet se Muçllari u arrestua në flagrancë, për veprën penale “Goditje për shkak të detyrës”. Përplasja ka ndodhur mesditën e sotme në në ambientet e Bashkisë Pogradec, gjatë zhvillimit të një mbledhjeje nga Këshilli Bashkiak me prezencën e qytetarëve.

Në njoftimin e policisë thuhet se 27-vjeçari ka debatuar dhe ofenduar anëtarët e Këshillit Bashkiak, dhe më pas ka goditur me grusht këshiltarin Engjëll Shyti

Njoftimi i policisë: 

Pogradec

Specialistët për Hetimin e Krimeve në Komisariatin e Policisë Pogradec arrestuan në flagrancë, për veprën penale “Goditje për shkak të detyrës”, shtetasin K. M., 27 vjeç, banues në Pogradec.

Më datë 10.11.2025, rreth orës 14:25, në ambientet e Bashkisë Pogradec, gjatë zhvillimit të një mbledhjeje nga Këshilli Bashkiak me prezencën e qytetarëve, ky shtetas fillimisht ka debatuar dhe ofenduar anëtarët e Këshillit Bashkiak, dhe më pas ka ushtruar dhunë fizike ndaj shtetasit E. Sh., 47 vjeç, anëtar i Këshillit Bashkiak, duke e goditur me grusht.

27-vjeçari foli më herët për përplasjen e ndodhur, ku tha se gjithçka kishte nisur pasi këshilltari ka kërcënuar qytetarët e pranishëm në mbledhje për shkak të deklaratave të tyre kundër miratimit të listës së sipërfaqes së tokës prej 34.660 ha në Çërravë që mund të jepen me qira. /CNA





Lajmet e fundit nga