E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Humbi përballë Mersinit/ Sota: Nuk pati barazi zgjedhore, kjo është rruga për te dyert e SPAK-ut

10 Nëntor 2025, 18:16, Aktualitet CNA

Humbi përballë Mersinit/ Sota: Nuk pati barazi zgjedhore, kjo

Kandidati i pavarur, i mbështetur nga opozita në garën për bashkinë e Vlorës, Dionis Sota ka reaguar lidhur me rezultatin e zgjedhjeve që u mbajtën një ditë më parë. Në një postim në rrjetet sociale, Sota falenderoi personat që i besuan votës.

Ai tha më tej se fitorja e kandidates socialiste, Brunilda Mersini nuk ishte e pastër, duke thënë se patronazhistë dhe drejtues administratash në Vlorë punuan për t'i siguruar vota.

Sota thekson se nuk pati barazi zgjedhore dhe sipas tij kjo nuk është rruga për të shkuar në Europë, por është rruga për të shkuar në dyert e SPAK.

Postimi i plotë:

Ju falenderoj nga zemra të gjithë ju që besuat tek unë dhe tek vizioni që shpalosa: Një Vlorë Evropiane për të gjithë!

2333 zemra të sinqerta,të lira dhe plot shpresë për qytetin tonë të dashur. Ndjesë që ndoshta nuk ishte koha e nevojshme për ta shpalosur edhe më gjerë programin tek të gjithë bashkëqytetarët. Ndjesë edhe për ata të cilët nuk arrita ti bindja për pastërtinë,sinqeritetin dhe dashamirësinë e vërtetë që kam për Vlorën.

Gjithashtu u drejtohem të gjithë vlonjatëve:

Më 9 Nëntor ra miti i kështjellave, doli zbuluar forca e vërtetë e strukturave patronazhiste me fleta nëpër duar duke telefonuar ç’do qytetar të bashkisë Vlorë pa përjashtim me papërgjegjshmërinë dhe paaftësinë më të madhe,duke më telefonuar edhe mua,kandidatin rival. I telefonuar 2 herë nga shtabi socialist pa e ditur aspak se kë po telefononin! Drejtues administratash që organizuan takime elektorale vetëm për kandidatin e PS. Të verbuar dhe totalisht në mosrespektim të barazizë zgjedhore duke deklaruar hapur si drejtues institucional se punon e lufton për PS. Kjo nuk është të punosh për popullin,kjo është të mbash peng popullin.

Nuk është kjo rruga për të hyrë në Evropë dhe për tu kthyer në Evropianë, kjo është rruga për të emigruar në Evropë dhe është rruga më e sigurtë për të shkuar drejt dyerve të SPAK.

Unë e dua Vlorën me shpirt sepse kur linda u frymova me këtë ajër dhe energji,u rrita mes miqsh e shokësh me vlera të vërteta besnikërie e korrektësie. U rrita nga një familje e devotshme me parime të pathyeshme dhe këto parime,këtë energji dhe këtë karakter do të vazhdoj ti çoj përpara dhe sa të mundem ti trashëgoj brezave që vijnë!

Ky është vetëm fillimi!

Zoti e bekoftë Vlorën dhe vlonjatët. /CNA