web counter
LEXO PA REKLAMA!

SHKARKO APP

App Store
Google Play

E fundit!

x

Sondazhi/ Kush e fiton sfidën Andorra-Shqipëri?

10 Nëntor 2025, 17:13, Aktualitet CNA

Sondazhi/ Kush e fiton sfidën Andorra-Shqipëri?

Kombëtarja shqiptare do të ndeshet me Andorrën në transfertë në sfidën e vlefshme për kualifikuese të Kupës së Botës.

Pas fitores me Serbinë, kuqezinjtë kanë fatin e tyre në dorë për të ruajtur vendin e dytë që të dërgon në play off-in e Kupës së Botës.

CNA ka publikuar një sondazh ku pyet qytetarët se “Kush e fiton sfidën Andora-Shqipëri?”

Për të dhënë mendimin tuaj keni tre mundësi që mund të zgjidhni “Andorra, Shqipëria apo Barazim”.

Poll

Për skuadrën e Sylvinhos, fitorja është një detyrim, pasi çdo rezultat tjetër mund të sjellë parakalimin e Serbisë në renditje. Statistikat flasin për kuqezinjtë, të cilët kanë fituar 5 nga 6 sfidat e fundit. I vetmi barazim që ka marrë Andorra është ai i vitit 2019 në Tiranë. Skuadra e Sylvinhos është e avantazhuar në letër, por megjithatë nuk duhet nënvlerësuar si kundërshtar. Për këtë sfidë, Sylvinho e ka grupin e plotë dhe deri më tani nuk ka probleme me lojtarët. Edhe në këtë sfidë, kombëtarja pritet të ketë mbështetje të madhe nga tifozët edhe pse sfida luhet në transfertë.

Grupi K udhëhiqet nga Anglia me pikë të plota, ndërsa kuqezinjtë renditen në vend të dytë me 11 pikë, një më shumë se Serbia. Moldavia mban vendin e katërt, ndërsa Andorra ndodhet e fundit me 1 pikë.

Përballja e parafundit në grupin K mes Andorrës dhe Shqipërisë do të zhvillohet më 13 nëntor në orën 20:45, në stadiumin “FAF” të Andorrës./ CNA





Lajmet e fundit nga