web counter
LEXO PA REKLAMA!

SHKARKO APP

App Store
Google Play

E fundit!

x

U përplas fizikisht me këshilltarin bashkiak në Pogradec/ Flet qytetari: Na kërcënoi për ato që thamë

10 Nëntor 2025, 15:30, Aktualitet CNA

U përplas fizikisht me këshilltarin bashkiak në Pogradec/ Flet

Një përplasje fizike ka ndodhur më herët në mbledhjen e sotme të Këshillit Bashkiak në Pogradec. Lidhur me ngjarjen ka folur dhe Kevi Muçllari, banor i Çërravës, i cili u konfrontua fizikisht me këshilltarin bashkiak Ëngjëll Shyti.

Muçllari është shprehur se gjithçka ndodhi pasi këshilltari i ka kërcënuar për shkak të deklaratave të tyre kundër miratimit të listës së sipërfaqes së tokës prej 34.660 ha në Çërravë që mund të jepen me qira.

"Siç e patë edhe vetë pati një moment tensioni sepse Engjëll Shyti, këshilltari u ngrit dhe na kërcënoi për shkak të asaj që thashë unë, moment acarimi, tensioni. Kuptohet pas miratimit të vendimit që ne ishim totalisht kundër. Kryetari i bashkisë tha, këto janë teka kjo është e pavërtetë deri në momentin që situata ishte e qetë gjithçka ishte racionale. Të gjitha argumentet që paraqitëm ne dhe që i kemi paraqitur vazhdimisht, dihen dhe janë shumë te arsyeshme. Në këto momente kryetari i bashkisë tha që kjo është tekë edhe hajde ta votojmë. Nga ky moment ndodhi edhe tensioni me anëtarin e këshillit bashkiak. Me siguri është fakti që ne nuk kemi per ta lënë këtu këtë punë. Edhe keshilltarët turp të kenë që mbajtën këtë qëndrim që nga fillimi, edhe ata qe e ndryshuan. Më vjen keq, ata që e ndryshuan e duhet të ishin përballë kësaj situate, duke ndërruar edhe bindjet e tyre. Kjo punë nuk mbetet me kaq, ne do vazhdojmë të ndjekim të gjitha hapat ligjorë. Kjo është e papranueshme pasi gjithë komuniteti eshtë i prekur edhe ne do luftojmë se nuk kemi çfarë të bëjmë", u shpreh Muçllari. /CNA





Lajmet e fundit nga