web counter
LEXO PA REKLAMA!

SHKARKO APP

App Store
Google Play

E fundit!

x

Begaj dekreton emërimin e Ermal Dredhës si Ambasador i Shqipërisë në Zvicër dhe Lihtenshtein

10 Nëntor 2025, 16:47, Aktualitet CNA

Begaj dekreton emërimin e Ermal Dredhës si Ambasador i

Presidenti Begaj dekretoi sot emërimin e zotit Ermal Dredha në detyrën e Ambasadorit të Shqipërisë në Konfederatën e Zvicrës dhe Ambasadorit së Shqipërisë në Principatën e Lihtenshteinit.

Ky emërim i Dredhës vjen pas dorëheqjes së tij nga Bashkia e Vlorës. Ermal Dredha është një ish-diplomat dhe politikan, i cili shërbeu deri në këto momente si Kryetar Bashkie i Vlorës.Ai u zgjodh në krye të bashkisë së Vlorës në vitin 2023. Prej dy vitesh drejtoi një nga bashkitë më të mëdha në Shqipëri. Ermal Dredha është një emër me mjaft peshë pasi ka mbajtur pozicione të rëndësishme në Ministri të rëndësishme.

Dredha më parë ka mbajtur pozicione të ndryshme në Ministrinë për Evropën dhe Punët e Jashtme të Shqipërisë, duke përfshirë atë të Ambasadorit në Emiratet e Bashkuara Arabe dhe Drejtor i Protokollit të Shtetit të Shqipërisë.

Dredha e filloi karrierën e tij në vitin 1999 si përkthyes për gazetarët italianë gjatë krizës së Kosovës. Në vitin 2000, ai u bë asistent dhe drejtor i përgjithshëm i arkivit dixhital në Kooperacionin Italian në Tiranë, duke mbikëqyrur projektet e infrastrukturës së furnizimit me ujë në Shqipëri.

Në vitin 2002, ai u bashkua me Ministrinë për Evropën dhe Punët e Jashtme si asistent personal i Zëvendëskryeministrit dhe Ministrit të Punëve të Jashtme. Më vonë ai shërbeu si drejtues i sektorit të IT-së dhe Departamentit të Protokollit të Shtetit. Nga viti 2010 deri në vitin 2013, ai ishte Drejtor i Protokollit të Shtetit.

Midis nëntorit 2013 dhe nëntorit 2016, Dredha ishte Konsull i Përgjithshëm i Shqipërisë në Bari të Italisë.Nga maji 2016 deri në mars 2023, ai shërbeu si Ambasador i Shqipërisë në Emiratet e Bashkuara Arabe.

Në prill të vitit 2023, Dredha u zgjodh nga Partia Socialiste e Shqipërisë si kandidati i tyre për zgjedhjet për kryetar bashkie të Vlorës. Ai fitoi zgjedhjet në maj të vitit 2023, duke siguruar mbi 70% të votave. Ai zyrtarisht mori detyrën në korrik të vitit 2023, duke pasuar Dritan Lelin./ CNA





Lajmet e fundit nga