E fundit!

12:54 Politikë

Protestuesit te selia e PD/ Reagon Berisha: Janë mjerim i politikës

Kryetari i Partisë Demokratike, Sali Berisha ka folur ditë...

Thellohen hetimet për inceneratorin e Tiranës

2 Gusht 2024, 17:16, Aktualitet CNA

CNA ka raportuar se SPAK ka thelluar hetimet për inceneratorin e Tiranës. (Lexo këtu)

Këtë lajm e ka konfirmuar pasditen e kësaj të premteje Prokuroria e Posaçme, në një njoftim të fundit për dosjen e aferës 130 milionë euro.

SPAK deklaron se hetimet po shtrihen tek të gjithë personat e përfshirë në këtë megaaferë, si dhe tek personat që janë paguar nga njerëzit e inceneratorëve.

“Prokuroria e Posaçme kundër Korrupsionit dhe Krimit të Organizuar po kryen hetime të mëtejshme në kuadër të procedimit penal nr.255, të vitit 2020, për të gjithë subjektet e tjerë të regjistruar në kuadër të këtij hetimi (individ dhe persona juridik), për të evidentuar çdo fakt penal tjetër, veprimet e secilit prej personave përgjegjës të institucioneve shtetërore që kanë marrë pjesë para dhe gjatë procedurës së dhënies së koncesionit, si dhe gjatë zbatimit të kontratës koncesionare”, theksohet në njoftim ndër të tjera.

SPAK dërgon për gjykim dosjen e parë të inceneratorit të Tiranës, aferës 130 milionë euro
2 Gusht, 17:08

CNA ka denoncuar të gjithë skemën e inceneratorëve, nga Elbasani, Fieri, Tirana që shkon deri në Zimbabve apo edhe Maltë e shtgete të tjera. (Lexo këtu)

Në maj të këtij viti, SPAK siguroi dokumente nga Italia, të cilat janë mjaft të rëndësishme për të zbardhur skemën e aferës së inceneratorëve.

Materialet e një dosjeje voluminoze do të nxjerrin në dritë personat e përfshirë, zyrtarët e lartë, bashkëpunëtorët e tyre dhe deri te njerëzit e Bashkisë së Tiranës, drejtorët e Erion Veliajt dhe rolin e kryebashkiakut të Tiranës në këtë aferë. (Lexo këtu)

Gjithashtu, Prokuroria e Posaçme po heton edhe tentakulat e shtrira në media, të cilat janë paguar dhe kanë lidhur ortakëri me njerëzit e inceneratorëve

Ndërkaq SPAK njofton se ka përfunduar hetimet paraprake të dosjes së parë të inceneratorit të Tiranës dhe ka paraqitur kërkesën për dërgimin për gjykim të 12 të pandehurve Lefter Koka, Pëllumb Abeshi, Erjon Murataj, Bledar Karoli, Taulant Tusha, Namik Simixhiu, Etleva Kondi, Alba Thoma, Valbona Ballgjini, Sidita Kopliku, Jetmir Llapaj, Silena Tola, të akuzuar për kryerjen e veprës penale “Shpërdorimi i detyrës”, kryer në bashkëpunim, parashikuar nga nenet 248 dhe 25 të Kodit Penal../ CNA