web counter
LEXO PA REKLAMA!

SHKARKO APP

App Store
Google Play

E fundit!

x

Merr fund arratia për "mbretin" e narkotikëve, arrestohet Dorian Petoku

2 Gusht 2024, 11:33, Aktualitet CNA
Merr fund arratia për "mbretin" e narkotikëve, arrestohet
Dorian Petoku

Ka marrë fund arratia për Dorian Petokun, i njohur ndryshe si "mbreti" i narkotikëve. 

Raportohet se ai është arrestuar në Dubai, pas një bashkëpunimi të Guardia di Finanza dhe policisë së Emirateve të Bashkuara. 

Petoku është një nga emrat e famshëm të klaneve mafioze shqiptare. Ai u bë edhe më i famshëm kur në dhjetor të 2023 arriti të arratisej nga qendra e rehabilitimit në Nola (Napoli).

I ekstraduari nga Shqipëria qëndroi rreth një vit në burg në Itali dhe më pas siguroi transferimin në një qendër rehabilitimi, me byzylyk elektronik, pasi konsiderohej edhe si përdorues droge, nga ku u arratis.

Petoku, në korrik 2022, u dënua me 12 vjet burg, pasi u shpall fajtor se furnizonte me drogë organizatën e drejtuar më parë nga Fabrizio Piscitelli, i njohur ndryshe si 'Diabolik'. 

Ky i fundit u vra më 7 gusht 2019 me një plumb në kokë. Organizata e trafikut të drogës u shpërbë me operacionin e zhvilluar në nëntor 2019 nga efektivë të komandës provinciale të policisë financiare të Romës dhe Gico dhe të koordinuar nga magjistrati Michele Prestipino.

Kush është Dorian Petoku?

I rritur në Lezhë të Shqipërisë, Petoku filloi të fitonte përvojë në botën e trafikut të armëve, drogës dhe qenieve njerëzore përpara se të zbarkonte në Romë, në Ponte Milvio. Kushëriri i të parit të bosëve shqiptarë në kryeqytet, Arben Zogu, me kalimin e viteve fitoi gjithnjë e më shumë rëndësi në botën e krimit të kryeqytetit italian./CNA





Lajmet e fundit nga